शिमलानगरम्, २७ जूनमासः (हि.स.)। विपक्षनेता तथा पूर्वमुख्यमन्त्री जयरामठाकुरः काङ्ग्रेस-सर्वकारम् आरोपितवान् यत् सा पञ्चायतेषु, नगर-निकायेषु तथा जनपद-परिषद्सु अध्यक्ष-उपाध्यक्षयोः निर्वाचनं जानिपूर्वकं विलम्बयति। शनिवासरे शिमलानगरे पत्रकारैः सह संवादं कुर्वन् सः अवदत् यत् सर्वकारः लोकतान्त्रिक-प्रक्रियाम् प्रभावितुं प्रयतते तथा निर्वाचित-जनप्रतिनिधीनाम् उपरि प्रभावं निर्मातुं निर्वाचनेषु विलम्बः क्रियते।

जयरामठाकुरः अवदत् यत् राज्यसर्वकारः पूर्वमेव स्थानीय-निकाय-निर्वाचनं स्थगयितुम् ऐच्छत्, किन्तु न्यायालयस्य हस्तक्षेपानन्तरं निर्वाचनं कर्तुम् अभवत्। तस्य आरोपः अस्ति यत् अधुना अध्यक्ष-उपाध्यक्षयोः निर्वाचनं लम्बितं स्थापयित्वा सरकारः समयम् अवाप्नोति। अनेन सा निर्वाचित-जनप्रतिनिधीन् प्रभावितुं प्रयतते। सः अवदत् यत् सरकाराय पूर्वमेव आशङ्का आसीत् यत् जनता तस्याः विरुद्धं मतदानं करिष्यति, अतः विभिन्नस्तरेषु निर्वाचन-प्रक्रियाम् प्रभावितुं प्रयासाः कृताः।

विपक्षनेता दावा अकरोत् यत् पञ्चायत-निर्वाचनस्य प्रायः सप्ततिशतांश-पञ्चायतेषु भाजपापक्षेण समर्थितौ प्रधान-उपप्रधानौ निर्वाचितौ अभवताम्। सः अवदत् यत् एते परिणामाः काङ्ग्रेस-सर्वकारं प्रति जनतायाः असन्तोषं प्रदर्शयन्ति। तस्य अनुसारं नगर-निकाय-निर्वाचनष्वपि भाजपापक्षाय व्यापकं समर्थनं प्राप्तम्। सः अवदत् यत् धर्मशाला-नगर-निगमे भाजपापक्षेण सप्तदशसु आसनेषु एकादश आसनानि विजित्य बहुमतं प्राप्तम्, अन्येषु अपि बहुषु नगर-निकायेषु दलस्य प्रदर्शनम् उत्तमम् आसीत्।

सः जनपद-परिषदां तथा ब्लॉक-समितीनां निर्वाचन-परिणामानां सङ्ख्यां निर्दिश्य अवदत् यत् द्वादश जनपद-परिषद्सु केवलं तिसृषु अध्यक्ष-उपाध्यक्षयोः निर्वाचनम् अभवत्, तत्र च काङ्ग्रेस-दलम् अभ्यर्थिनः अपि न स्थापितवती। तस्य कथनम् अस्ति यत् अवशिष्टासु अधिकांश-जनपद-परिषद्सु भाजपया समर्थितानां सदस्याणां बहुमतम् अस्ति, तथापि निर्वाचनं न क्रियते।

सः पुनरपि अवदत् यत् द्विनवतिः ब्लॉक-समितिषु सप्तचत्वारिंशत्सु सम्पन्नेषु निर्वाचनेषु एकत्रिंशत्सु स्थानेषु भाजपया समर्थिताः अभ्यर्थिनः विजयं प्राप्तवन्तः, यदा तु काङ्ग्रेस-समर्थिताः अभ्यर्थिनः षोडशसु स्थानेषु विजयीन: अभवन्।

जयरामठाकुरः आरोपम् अकरोत् यत् भाजपापक्षेण समर्थितानां पार्षदानाम्, बीडीसी-सदस्यानां तथा जनपद-परिषद्-सदस्यानाम् उपरि प्रशासनिक-प्रभावः निर्मीयते। सः अवदत् यत् केषुचित् स्थानेषु जनप्रतिनिधयः तेषां परिवारजनाश्च लक्ष्यीकृताः सन्ति तथा राजनैतिक-कारणात् कार्यवाही क्रियते। सः एतदपि आरोपितवान् यत् केषुचित् निकायेषु निर्वाचन-प्रक्रियायां निर्धारित-नियमानां सम्यक् पालनं न कृतम्। विपक्षनेता अवदत् यत् लोकतान्त्रिक-प्रक्रियाम् प्रभावितवन्तः इति येषाम् अधिकारिणाम् उपरि आरोपाः सन्ति, तेषां सूची भाजपया सज्जीक्रियते। सः मुख्यमन्त्रिणं सुखविन्दरसिंह-सुक्खू जनादेशस्य सम्मानं कर्तुं लम्बितम् अध्यक्ष-उपाध्यक्ष-निर्वाचनं च शीघ्रं कारयितुम् आग्रहम् अकरोत्। सहैव संचेतनाम् अददात् यत् यदि निर्वाचनं शीघ्रं न भविष्यति तर्हि भाजपा न्यायालये तथा लोकतान्त्रिक-मञ्चेषु एतं विषयम् उत्थापयिष्यति।

Hindusthan Samachar / Divya Ranjan