Enter your Email Address to subscribe to our newsletters
आगरा , 28 जूनमासः (हि.स.)। उत्तरप्रदेशस्य मुख्यमन्त्री योगी आदित्यनाथः रविवासरे आगरा यात्रायां भविष्यन्ति , अस्मिन् काले ते लोकनिर्माणविभागस्य प्रचलितानां तथा आगामीनां परियोजनानां समीक्षां कृत्वा आवश्यकान् दिशानिर्देशान् दास्यन्ति। तदनन्तरं ते आगरायाम् एव विधिव्यवस्थायाः तथा विकासपरियोजनानां समीक्षां कृत्वा लखनऊनगरं प्रति प्रत्यागमिष्यन्ति।
मुख्यमन्त्रिणः योगिनः आदित्यनाथस्य आगराभ्रमणस्य सुरक्षासम्बन्धे प्राप्तायाः सूचनायाः अनुसारं मुख्यमन्त्री लखनऊतः राजकीयवायुयानेन प्रस्थाय प्रातः एकादशवादने खेरिया-सिविल-विमानपत्तनम् आगरा आगमिष्यन्ति तथा तत एव हेलीकॉप्टरद्वारा हाथरसस्य सलेमपुर-औद्योगिक-क्षेत्राय प्रस्थास्यन्ति। हाथरसे कार्यक्रमे भागं गृहीत्वा प्रायः मध्याह्ने एकवादने आगरानगरं पुनः प्रत्यागमिष्यन्ति। मध्याह्ने एकवादनतः सपादद्विवादनपर्यन्तम् आगरा-मण्डलायुक्त-सभागारे पीडब्ल्यूडी-निरीक्षणाधीनं प्रचलतां पुरातननिर्माणपरियोजनानां कार्याणां प्रगतेश्च समीक्षा भविष्यति तथा नवीनयोजनासु अधिकारिभिः सह मन्थनं भविष्यति।
मध्याह्ने सपादद्विवादनतः पादोन् त्रिवादनपर्यन्तम् आरक्षितसमयस्य अनन्तरं योगी आदित्यनाथः पादोन् त्रिवादनतः पादोन् चतुर्वादनपर्यन्तं विकासपरियोजनानां विधिव्यवस्थायाश्च समीक्षाम् अपि करिष्यन्ति। तदनन्तरं सायं चतुर्वादने खेरिया-विमानपत्तनतः लखनऊ प्रति प्रत्यागमिष्यन्ति।
अस्य कार्यक्रमस्य कृते योगिनः आदित्यनाथस्य जूनमासस्य त्रयोविंशतिदिनाङ्के आगरानगरम् आगन्तव्यम् आसीत् परन्तु लखनऊस्थे कोचिंग-केन्द्रे जाते अग्निकाण्डस्य कारणेन तस्य यात्रा निरस्तीकृता आसीत्।
मुख्यमन्त्रिणः प्रस्तावितयात्राम् प्रति आगरा-प्रशासनं पूर्णतया सज्जम् अस्ति। जिलाधिकारी मनीषबंसलः शनिवासरे विलम्बितसायंकालपर्यन्तम् कमिश्नरी-परिसरस्य, सभागारस्य सर्किट-गृहस्य च सघनं निरीक्षणम् अकरोत् तथा न्यूनतानां निवारणाय आवश्यकान् निर्देशान् अददात्। सुरक्षादृष्ट्या अपि पर्याप्तः पुलिस-प्रबन्धः क्रियते। खेरिया-सिविल-विमानपत्तनतः सर्किट-हाउस-मार्गपर्यन्तं सर्वेषु संवेदनशीलेषु जनसम्पूर्णेषु च बिन्दुषु सुरक्षायाः यातायातव्यवस्थायाश्च कृते विशेषः प्रबन्धः कृतः अस्ति।
---------------
Hindusthan Samachar / अंशु गुप्ता