धर्मशाला, 28 जूनमासः (हि.स.)।

मुख्यमन्त्रिणः ठाकुरसुखविन्दरसिंहसुक्खोः इत्यस्य दुर्गमक्षेत्रे बडाभङ्गालप्रवासेन क्षेत्रस्य जनानां मध्ये उत्साहस्य वातावरणम् अभवत्। स्थानीयनिवासिनः मुख्यमन्त्रिणः प्रति कृतज्ञतां व्यक्तवन्तः तथा च उक्तवन्तः यत् वर्षे २०११ अनन्तरं प्रथमवारं कश्चन मुख्यमन्त्री बडाभङ्गालक्षेत्रस्य प्रवासं कृतवान्। विशेषम् एतत् यत् प्रथमवारं कश्चन मुख्यमन्त्री बडाभङ्गाले रात्रिनिवासम् अकरोत्। ग्रामवासिनः विश्वासं व्यक्तवन्तः यत् मुख्यमन्त्रिणा कृताभिः घोषणाभिः प्रदत्तैः निर्देशैः च बडाभङ्गालस्य विकासाय नूतना गतिः प्राप्स्यते।

मुख्यमन्त्रिणा गद्दीसमुदायस्य पारम्परिकं चोलाडोरा परिधानं धारितम्

अपरं बडाभङ्गालप्रवासकाले मुख्यमन्त्री पूर्णतया स्थानीयसंस्कृत्या परम्पराभिः च अनुरञ्जितः दृष्टः। तेन पारम्परिकवेशभूषा चोलाडोरा धारिता सांस्कृतिककार्यक्रमेषु सहभागिता कृता तथा च स्थानीयजनैः सह पारम्परिकलोकनृत्ये अपि सहभागिता कृता।

मुख्यमन्त्री कृषकाणां क्षेत्राणि पर्यटितवान्

मुख्यमन्त्री स्थानीयकृषकाणां क्षेत्राणि पर्यट्य तेषां समस्याः समीपतः अवगतान्। तेन कृषकैः सह राजमाषस्य कृषिउत्पादनविपणनसम्बद्धविषयेषु विस्तरेण चर्चा कृता तथा च अविपालकानां समस्याः अपि श्रुताः। तेन उक्तं यत् राज्यसर्वकारः सम्पूर्णप्रदेशे प्राकृतिककृषेः प्रोत्साहनं करोति तथा च कृषकेभ्यः तेषां उपजस्य समुचितमूल्यं सुनिश्चितुं न्यूनतमसमर्थनमूल्यं प्रदीयते। तेन उक्तं यत् सर्वकारेण ऊर्णायाः समर्थनमूल्यं प्रतिकिलोग्रामं शतरूप्यकाणि निर्धारितानि सन्ति। अनेन अविपालकानां स्थानीयकृषकाणां च लाभः भविष्यति। तेन उक्तं यत् बडाभङ्गालस्य जनाः अपि अस्याः योजनायाः लाभं प्राप्तुं शक्नुवन्ति।

प्राकृतिककृषेः प्रोत्साहनं प्रदीयते

मुख्यमन्त्री उक्तवान् यत् प्राकृतिककृषेः प्रोत्साहनार्थं राज्यसर्वकारेण राजीवगान्धीप्राकृतिककृषिस्टार्टअपयोजना प्रवर्तिता। अस्याः योजनायाः अन्तर्गतं प्राकृतिककृष्या उत्पादितस्य गोधूमस्य न्यूनतमसमर्थनमूल्यं षष्टिरूप्यकेभ्यः वर्धयित्वा अशीतिरूप्यकाणि प्रतिकिलोग्रामं कृतम्। मक्कायाः समर्थनमूल्यं चत्वारिंशतरूप्यकेभ्यः वर्धयित्वा पञ्चाशतरूप्यकाणि प्रतिकिलोग्रामं कृतम्। पाङ्गीघाट्यां उत्पादितस्य यवस्य समर्थनमूल्यं षष्टिरूप्यकेभ्यः वर्धयित्वा अशीतिरूप्यकाणि प्रतिकिलोग्रामं कृतम्। अतिरिच्य हरिद्रायाः न्यूनतमसमर्थनमूल्यं नवतिरूप्यकेभ्यः वर्धयित्वा शतपञ्चाशतरूप्यकाणि प्रतिकिलोग्रामं कृतम्। आर्द्रकस्य कृते तु प्रतिकिलोग्रामं त्रिंशतरूप्यकाणां समर्थनमूल्यं निर्धारितम्।

अस्मिन् अवसरे स्थानीयविधायकः किशोरीलालः उपायुक्तः हेमराजबैरवा पुलिसअधीक्षकः कुलभूषणवर्मा अन्ये गणमान्यजनाश्च उपस्थिताः आसन्।

Hindusthan Samachar / Dheeraj Maithani