धर्मशाला, 28 जूनमासः (हि.स.)।

मुख्यमन्त्री ठाकुरसुखविन्द्रसिंहसुक्खूः काङ्गडाजिलायाः दुर्गमक्षेत्रं बडाभङ्गालं पर्यट्य आपदाप्रभावितक्षेत्राणां निरीक्षणम् अकरोत् तथा च स्थानीयजनैः सह प्रत्यक्षसंवादं कृत्वा तेषां समस्याः अपि अशृणोत्। मुख्यमन्त्री हेलिपैडसमीपवर्तिनः बाढप्रभावितक्षेत्राणि पर्यट्य प्रशासकीयाधिकारिभ्यः राहतपुनर्वासकार्याणां विस्तृतां जानकारीम् अलभत।

बडाभङ्गालसडकनिर्माणाय दशकोटिरूप्यकाणि प्रदत्तानि

मुख्यमन्त्री बडाभङ्गालपर्यन्तं सडकनिर्माणकार्ये शीघ्रतां कर्तुं निर्देशान् दत्त्वा अधिकारिणः प्रति प्रत्येककिलोमीटरार्थं पृथक्पृथक् निविदाः आमन्त्रयितुं तथा च कार्यं प्राथमिकतायाः आधारेण अग्रे नेतुं उक्तवान्। तेन सडकनिर्माणार्थम् आवश्यकयन्त्रसामग्रीं वायुमार्गेण प्रापयितुं सम्भावनानामपि चर्चा कृता। अस्मिन् अवसरे तेन बडाभङ्गालसडकनिर्माणाय दशकोटिरूप्यकाणां प्रदाने घोषणा कृता।

क्षेत्रे विद्युत्पूर्तेः पुनर्स्थापनसम्बन्धे मुख्यमन्त्री स्थानीयजनैः सह विस्तृतचर्चाम् अकरोत्। तेन विद्युत्विभागं ग्रामे उपयुक्तक्षमतायुक्तान् डीजलजनरेटरान् स्थापयितुं सर्वेषु गृहेषु विद्युत्सम्बन्धस्य तारव्यवस्थायाश्च सर्वेक्षणं कर्तुं निर्देशान् दत्तवान्। सडकसुविधायाः उपलब्धेः पर्यन्तं वैकल्पिकविद्युत्व्यवस्था प्रवर्तिष्यते इति आश्वासनं दत्त्वा तेन अपरबडाभङ्गाल लोअरबडाभङ्गाल इत्युभयक्षेत्रयोः कृते एकैकः डीजलजनसेटः प्रदास्यते इति घोषणा कृता। अतिरिच्य बाढप्रभावितां जलविद्युत्परियोजनां पुनः सञ्चालयितुं सौरऊर्जापरियोजनानां स्थापनसम्भावनानां च चर्चा कृता।

बडाभङ्गालस्य विशेषपरिचयार्थं पृथक् ब्राण्डनिर्माणं भविष्यति

मुख्यमन्त्री बडाभङ्गालस्य प्रसिद्धस्य राजमाषस्य पृथक् ब्राण्डनिर्माणं कृत्वा तस्मै विशेषपरिचयं उत्तमं बाजारमूल्यं च प्रदातुं निर्देशान् दत्तवान्। तेन स्थानीयकृषिं उद्यानिकीं च प्रोत्साहयन् जनान् अखरोट चेस्टनट इत्येतयोः पौधान् रोपयितुं आहूतवान्। स्थानीयमांसोत्पादेभ्यः अपि उत्तममूल्यं प्रदास्यते इति आश्वासनं दत्तम्। तेन प्राकृतिककृषेः प्रोत्साहनं न्यूनतमसमर्थनमूल्ययोजनानां लाभग्रहणं च कर्तुं आग्रहः कृतः।

चलदूरवाणीसेवाविषये दूरसञ्चारसंस्थाभिः सह चर्चा भविष्यति

चलदूरवाणीजालसुविधासम्बन्धे ग्रामवासिभिः उत्थापितायाः मागण्याः विषये मुख्यमन्त्री निजीदूरसञ्चारसंस्थाभिः सह चर्चां कृत्वा शीघ्रं चलदूरवाणीसेवां प्रारम्भयिष्यति इति आश्वासनम् अददात्। तेन वनभूमेः उपयुक्तक्षेत्रं चिन्हीकृत्य पर्यटनगतिविधीनां प्रोत्साहनार्थं निर्देशाः अपि दत्ताः तथा च बडाभङ्गालं पर्यटनदृष्ट्या विकसितुं प्रतिबद्धता व्यक्ता।

शिक्षाक्षेत्रे मुख्यमन्त्री बडाभङ्गालस्य विद्यार्थिनां कृते विशेषप्रोत्साहनयोजनां प्रवर्तयितुं छात्रावासनिर्माणस्य विषये विचारं कर्तुं गुणवत्तायुक्तशिक्षां प्रदातुं च कार्यं भविष्यति इति उक्तवान्। तेन घोषणा कृता यत् विद्यार्थिभ्यः शैक्षणिकसत्रस्य आरम्भे समाप्तौ च हेलीटैक्सीसुविधा प्रदास्यते। सहैव बालकान् सी बी एस ई विद्यालयेषु प्रवेशयितुं व्यवस्था अपि करिष्यते इति आश्वासनं दत्तम्।

स्वास्थ्यसुविधानां सुदृढीकरणार्थं मुख्यमन्त्री स्थानीयजनान् प्राथमिकस्वास्थ्यसेवार्थं प्रशिक्षयितुं उक्तवान् यतः दुर्गमक्षेत्रे शीघ्रचिकित्सासाहाय्यं उपलब्धं भवेत्।

अनन्तरं जनसभां सम्बोधयन् मुख्यमन्त्री उक्तवान् यत् सः राजनीतिं कर्तुं न आगतः अपितु बडाभङ्गालस्य जनानां दुःखदुःखानि अवगन्तुम् आगतः। तेन उक्तं यत् यदि राजनीतिः कर्तव्या अभविष्यत् तर्हि सः अधिकजनसंख्यायुक्तेषु क्षेत्रेषु गच्छेत् किन्तु तस्य सर्वकारस्य उद्देश्यः प्रदेशस्य अन्तिमसीमायां निवसतां जनानां पर्यन्तं विकासं प्रापयितुम् अस्ति। तेन उक्तं यत् शिमलानगरे उपविश्य योजनाः निर्मातुं शक्यन्ते किन्तु जनानां वास्तविकसमस्यानां अवगमनार्थं क्षेत्रपर्यटनम् आवश्यकम्।

बडाभङ्गालं प्राकृतिकपञ्चायतत्वेन घोषितं भविष्यति

मुख्यमन्त्री बडाभङ्गालं प्राकृतिकपञ्चायतत्वेन घोषितुं क्षेत्राय अनुसूचितजनजातिस्थानं प्रापयितुं प्रयत्नं कर्तुं राशनवितरणकेन्द्रे खाद्यान्नकोटां वर्धयितुं च आश्वासनम् अददात्। तेन बाढसंरक्षणार्थं संरक्षणभित्तिनिर्माणस्य सम्भावनायाः विषये अपि विचारः भविष्यति इति उक्तम्।

मुख्यमन्त्री द्वाभ्यां स्थानीयमहिलामण्डलाभ्यां द्विद्विलक्षरूप्यकाणि तथा एकस्मै युवकमण्डलाय एकलक्षरूप्यकाणां वित्तीयसाहाय्यं प्रदातुं घोषणा कृता। तेन पात्रमहिलाभ्यः इन्दिरागान्धीसुखसम्माननिधेः अन्तर्गतं प्रतिमासं पञ्चदशशतरूप्यकाणां निवृत्तिवेतनं प्रदास्यते इति अपि घोषणा कृता।

Hindusthan Samachar / Dheeraj Maithani