सिलीगुड़ी, 28 जूनमासः (हि. स.)।निर्वाचनप्रतिज्ञाभ्यः अग्रे गत्वा सिलीगुड़ीनगरस्य विधायकः राज्यस्य पर्यटनमन्त्री शङ्करघोषः अधुना सामान्यजनानां मध्ये विश्वासस्य नाम भवति। स्वनिर्वाचनप्रतिज्ञानुसारं सः नियमितरूपेण सीधे शङ्कर सोरासरी शङ्कर इति कार्यक्रमम् आयोजयति। रविवासरे सिलीगुड़ीनगरस्य मार्गरेटविद्यालये आयोजितस्य अस्य कार्यक्रमस्य तृतीयचरणे विशालजनसमागमः अभवत्। निरन्तरं द्विवारं सिलीगुड़ीविधानसभाक्षेत्रात् विजयम् अर्जयित्वा अभिलेखं स्थापितवान् शङ्करघोषः मन्यते यत् जनप्रतिनिधेः प्रमुखं कार्यं जनानां समस्याः श्रोतुम् अस्ति।

अस्मिन् अवसरे सिलीगुड़ीनगरात् अतिरिक्तं समीपवर्तिक्षेत्रेभ्यः अन्येभ्यः जिलाभ्यः च बहवः जनाः स्वकीयाः व्यक्तिगताः सामाजिकाः नागरिकाः च समस्याः आदाय आगतवन्तः। मन्त्री शङ्करघोषः सर्वेषां वचनानि धैर्येण अशृणोत् तथा च समस्याणां शीघ्रसमाधानार्थं सम्बन्धितविभागेभ्यः निर्देशान् अददात्।

स्थानीयजनाः मन्त्रिणा सह प्रत्यक्षमेलनस्य अवसरं प्राप्य हर्षं व्यक्तवन्तः। तेषां कथनम् आसीत् यत् पूर्वं स्वसमस्यानां समाधानार्थं विभिन्नसरकारीयकार्यालयानां परिभ्रमणं कर्तव्यं भवति स्म किन्तु अधुना जनप्रतिनिधिः स्वयमेव तेषां मध्ये आगच्छति।

जनानां मते मन्त्रीपदं प्राप्तवान् अपि शङ्करघोषस्य व्यवहारे कश्चन परिवर्तनः न जातः। एतेन तस्य लोकप्रियता अधिका अभवत्।

राज्यस्य पर्यटनमन्त्री शङ्करघोषः स्पष्टतया उक्तवान् यत् यावत् सः सिलीगुड़ीनगरे वर्तते तावत् सीधे शङ्कर इति कार्यक्रमः निरन्तरं प्रवर्तिष्यते। तेन उक्तं यत् जनानां समस्याणां समाधानमेव तस्य प्राथमिकता अस्ति। आगामिदिनेषु प्रधाननगर भक्तिनगर सिलीगुड़ी थाना इत्येषां समीपे पुलिसस्य उपस्थितौ कार्यक्रमः आयोजयिष्यते यतः सामान्यजनाः प्रत्यक्षरूपेण पुलिससमक्षं स्वशिकायताः निवेदयितुं शक्नुयुः।

Hindusthan Samachar / Dheeraj Maithani