कठुआ, 28 जूनमासः (हि.स.)।

आगामिश्रीअमरनाथयात्रायाः २०२६ परिप्रेक्ष्ये जिलाप्रशासनं कठुआ जनपदे सज्जतां तीव्रतया प्रवर्तयति। अस्याः क्रमस्य अन्तर्गतं उपायुक्तः कठुआ राजेशशर्मा रविवासरे कठुआ लखनपुरनगरपरिषदोः क्षेत्रयोः व्यापकभ्रमणं कृत्वा स्वच्छताव्यवस्थायाः निरीक्षणं कृतवान् तथा च सम्बद्धाधिकारिभ्यः स्वच्छताभियानं अधिकवेगेन सञ्चालयितुं निर्देशान् प्रदत्तवान्।

निरीक्षणस्य समये उपायुक्तः नगरनिकायैः सञ्चाल्यमानानां स्वच्छताभियानानां स्थितेः अवलोकनं कृत्वा अधिकारिणः निर्देशितवान् यत् नगरेषु स्वच्छं स्वस्थं च वातावरणं स्थापयितुं प्रयत्नाः अधिकं सुदृढाः क्रियन्ताम्। तेन विशेषरूपेण स्वच्छताकर्मचारिणां कर्तव्यग्रहणस्य पुनरारम्भानन्तरं नियमितस्वच्छतायाः सुनिश्चितीकरणे बलं दत्तम्। उपायुक्तेन सम्बद्धकार्यपालकाधिकरिभ्यः निर्देशाः प्रदत्ताः यत् ते स्वयमेव स्वच्छताकार्यस्य पर्यवेक्षणं कुर्वन्तु तथा च किमपि क्षेत्रम् उपेक्षितं न भवेत् इति सुनिश्चितं कुर्वन्तु।

अस्मिन् अवसरे तेन लखनपुरस्य मुख्यबाजारस्य जनपदस्य प्रवेशद्वारस्य च स्वच्छताव्यवस्थायाः निरीक्षणं कृतम्। तेन लखनपुरनगरपरिषदः अधिकारिभ्यः नियमितस्वच्छतां समुचितकचराप्रबन्धनं सार्वजनिकस्थानानां स्वच्छतां च निरन्तरं धारयितुं निर्देशाः प्रदत्ताः।

अधिकारिभिः सह संवादकाले उपायुक्तः अवदत् यत् श्रीअमरनाथयात्रा २०२६ आरम्भात् पूर्वमेव प्रशासनं सर्वाः आवश्यकव्यवस्थाः सम्यक् सुसज्जाः कर्तुं निरतः अस्ति येन श्रद्धालुभ्यः स्वच्छं सुरक्षितं सुविधायुक्तं च वातावरणं प्राप्येत। तेन एतदपि उक्तं यत् आगामिवर्षाकालं दृष्ट्वा स्वच्छताव्यवस्थायाः अधिकप्राथमिकता प्रदेया। सम्बद्धविभागेभ्यः निर्देशाः प्रदत्ताः यत् जलनिर्गमनस्य समुचितव्यवस्था सुनिश्चितीक्रियताम् जलसञ्चयस्य स्थितिः परिह्रियताम् संवेदनशीलेषु क्षेत्रेषु विशेषपर्यवेक्षणं च क्रियताम्।

उपायुक्तः सर्वेषां सम्बद्धविभागानां हितधारकाणां च मध्ये उत्तमसमन्वयस्य स्थापनायाः आवश्यकतां प्रतिपाद्य यात्रायाः सुचारुरूपेण सम्पन्नतायै बलं दत्तवान्। अस्मिन् अवसरे एडीसी महिमामदान एसीआर विशालप्रतापसिंह लखनपुरनगरपरिषदः पूर्वाध्यक्षः रविन्द्रशर्मा नगरपरिषदः कठुआ मुख्यकार्यपालकाधिकारी अमितशर्मा लखनपुरनगरपरिषदः कार्यपालकाधिकारी पृथ्वीसांगडा इत्यादयः अन्ये च अधिकारिणः उपस्थिताः आसन्।

---------------

Hindusthan Samachar / Dheeraj Maithani