औरैया, 28 जूनमासः (हि. स.)।

पर्यावरणसंरक्षणस्य हरितविकासस्य च प्रोत्साहनार्थं समाजसेवीसङ्घटनस्य एकविचित्रपहलसेवासमित्याः सञ्चालितस्य जीवनधारापौधारोपणाभियानस्य अन्तर्गतं रविवासरस्य प्रातःकाले यमुनातटे व्यापकं पौधारोपणं कृतम्। अभियानस्य अन्तर्गतं पीपल वट अशोक हरसिङ्गार पकड़िया चितवन इत्यादयः दीर्घायुषः वृक्षाः आरोपिताः तथा च तेषां परिपालनस्य उत्तरदायित्वं यमुनामातुः सेवकेभ्यः समर्पितम्। समित्या पञ्चमजून २०२६ दिनाङ्कात् ५१०० पौधानामारोपणलक्ष्येन निरन्तरं पौधारोपणाभियानं सञ्चाल्यते।

संस्थायाः अध्यक्षः राजीवपोरवाल रानू इत्यनेन उक्तं यत् अभियानस्य माध्यमेन जनेभ्यः तेषाम् अभिरुच्यनुसारं पौधाः अपि निःशुल्कं वितीर्यन्ते यतः अधिकाधिकाः जनाः पर्यावरणसंरक्षणेन सह सम्बद्धाः भवेयुः।

पौधारोपणकार्यक्रमस्य अनन्तरं यमुनातटस्थिते रामझरोखे आवश्यकसभा आयोजिता। सभायाः अध्यक्षतां संस्थायाः अध्यक्षः राजीवपोरवाल रानू अकरोत्। अस्याम् सभायाम् अभियानं अधिकप्रभावकरं गतिशीलं च कर्तुं विषयेषु विचारविमर्शः कृतः।

समित्याः संस्थापकः आनन्दनाथगुप्तः एड्वोकेट इत्यनेन उक्तं यत् पर्यावरणस्य असन्तुलनकारणात् तापमानं निरन्तरं वर्धते तथा च वर्षाकालस्य विलम्बात् भूमौ आर्द्रतायाः न्यूनता वर्तते। तेन उक्तं यत् समितेः सदस्याः सार्वजनिकमन्दिराणि उद्यानानि मार्गांश्च निरीक्ष्य पौधारोपणाय उपयुक्तस्थानानि चिह्नयन्ति। वातावरणे आर्द्रता वर्धमाने सति व्यापकस्तरे पौधारोपणाभियानं सञ्चालयिष्यते।

तेन जनान् अधिकाधिकपौधानामारोपणाय तेषां समुचितपरिपालनाय च आह्वानं कृत्वा उक्तं यत् पर्यावरणसंरक्षणमेव आगामिपीढीनां सुरक्षितभविष्यस्य आधारशिला अस्ति।

अस्मिन् अवसरे डॉ आर्यप्रबुद्ध विनोदकुमारपोरवाल शिक्षकः शिवमगुप्तः हिमांशुदुबे रुचिरअग्रवालः सतीशः रामप्रसादः अजयबाल्मीकि इत्यादयः समितेः अनेके सदस्याः पर्यावरणप्रहरिणः च उपस्थिताः आसन्।

---------------

Hindusthan Samachar / Dheeraj Maithani