जम्मूनगरम्, २९ जूनमासः (हि.स.)। रियासी-जनपदस्य उपायुक्तः कुमार-अभिषेकः सोमवासरे अगर-जित्तो-ग्रामे आयोजितस्य वार्षिकस्य बाबा-अगार-जित्तो-मेलापकस्य विधिवत् शुभारम्भम् अकरोत्। धार्मिक-श्रद्धया लोक-संस्कृत्या च सम्बद्धे अस्मिन् मेलापके बहुसंख्यकाः श्रद्धालवः, स्थानीय-जनाः आगन्तुकाश्च सहभागिनः अभवन्। अयं मेलापकः सामाजिक-समरसतायाः, सांस्कृतिक-धरोहरस्य तथा जनकल्याणकारी-योजनानां प्रचार-प्रसारस्य प्रमुखं मञ्चम् अभवत्। मेलापकस्य प्रमुखम् आकर्षणं विविधैः शासकीय-विभागैः आयोजिता प्रदर्शिनी आसीत्।

स्वास्थ्य-कृषि-उद्यानिकी-पशुपालन-विभागैः अन्यैश्च स्वकीय-प्रदर्शन-स्थापनानि स्थापितानि। तेषां माध्यमेन केन्द्र-प्रायोजित-योजनानां जम्मू-कश्मीर-सर्वकारस्य जनकल्याणकारी-योजनानां च विषये जनेभ्यः सूचना प्रदत्ता। एतैः प्रदर्शन-स्थापनैः ग्रामीण-विकासस्य, आजीविका-संवर्धनस्य, सामाजिक-आर्थिक-उन्नतेश्च सम्बन्धिनीनां योजनानां विस्तृता सूचना प्रदत्ता, येन पात्राः लाभार्थिनः तासां योजनानां अधिकतमं लाभं प्राप्नुयुः।

उपायुक्तः कुमार-अभिषेकः विविध-विभागीय-प्रदर्शन-स्थापनानां निरीक्षणम् अकरोत् तथा अधिकारिभिः सह सम्भाषणं कृत्वा योजनानां प्रचार-प्रसारस्य समीक्षाम् अकरोत्। सः अधिकारिणः निर्देशितवान् यत् शासकीय-योजनानां विषये व्यापक-जनजागरूकता सुनिश्चिता क्रियताम्, येन प्रत्येकं पात्रं जनं तासां लाभः प्राप्नुयात्। अस्मिन्नवसरे उपायुक्तेन उद्यानिकी-क्षेत्रे उल्लेखनीयम् योगदानं प्रदत्तवन्तः प्रगतिशीलाः कृषकाः उद्यानपालकाश्च प्रशंसा-पत्रैः प्राधिकरण-पत्रैश्च सम्मानिताः। सः कृषकाणां परिश्रमस्य प्रशंसां कृत्वा अवदत् यत् कृषि-उद्यानिकी-क्षेत्रे ग्रामीण-अर्थव्यवस्थां सुदृढां कर्तुं महत्त्वपूर्णां भूमिकां निर्वहतः।

मेलापकस्य समये पल्थ्यार-नेहरू-युवा-क्लब-इत्यस्य, गढ़ी-विद्यालयस्य विद्यार्थिनः स्थानीय-कलाकाराश्च मनोहराणि सांस्कृतिक-कार्यक्रमाणि प्रस्तुतवन्तः। कलाकारैः लोक-संस्कृत्याधारिताः प्रस्तुतयः प्रदर्शिताः। तैः बाबा-जित्तोस्य जीवनं, संघर्षं, बलिदानं च आधृत्य नाटकमपि प्रभावपूर्णतया प्रस्तुतं, यत् दर्शकैः अत्यन्तं प्रशंसितम्।

आयोजकैः उक्तं यत् मेलापकस्य समापन-दिवसे पारम्परिक-भारतीय-शैल्याः मल्लयुद्ध-प्रतियोगिता आयोजिता भविष्यति, यस्मिन् जम्मू-कश्मीरस्य समीपवर्तिनां राज्यानां च प्रसिद्धाः मल्लाः स्वप्रतिभां प्रदर्शयिष्यन्ति। अस्मिन्नवसरे अपर-जिलाविकास-आयुक्तः कृष्णलालः, अपर-उपायुक्तः राकेश-कुमारः, कटड़ा-उपमण्डलाधिकारी, कटड़ा-खण्ड-विकास-अधिकारी तथा विविध-विभागानां जनपद-स्तरीय-अधिकारिणः अपि उपस्थिताः आसन्।

Hindusthan Samachar / Divya Ranjan