भोपालनगरम्, २९ जूनमासः। मध्यप्रदेशस्य मुख्यमंत्री डॉ.मोहनयादवः अद्य सोमवासरे नीमच-नगरे ५०० मेगावाट-क्षमतायुक्तस्य तथा शाजापुर-नगरे ४५० मेगावाट-क्षमतायुक्तस्य सौर-उद्यानयोः उद्घाटनं करिष्यति। अस्मिन् अवसरे अन्यासां परियोजनानां, ४४० मेगावाट-क्षमतायुक्तायाः सौर-ऊर्जा-सहित-ऊर्जा-सञ्चयन-परियोजनायाः विद्युत्-क्रय-सन्धेः निष्पादनं, तथा १५५३.९८ कोटि-रूप्यकाणां मूल्यस्य औद्योगिक-एककानां विकास-कार्याणां च भूमिपूजनं लोकार्पणं च अपि भविष्यति।नवीन-नवीकरणीय-ऊर्जा-विभागस्य अपर-मुख्यसचिवः मनुश्रीवास्तवः अवदत् यत् अस्मिन् कार्यक्रमे प्रल्हादः जोशी, केन्द्रीय-नवीन-नवीकरणीय-ऊर्जा-मन्त्री, तथा प्रदेशस्य नवीन-नवीकरणीय-ऊर्जा-मन्त्री राकेशः शुक्ला अपि उपस्थितौ भविष्यतः। मुख्यमंत्री डॉ.यादवः, केन्द्रीयमन्त्री जोशी तथा मन्त्री शुक्लः इत्येतैः सह भोपाल-नगरे ४४० मेगावाट-क्षमतायुक्तायाः मुरैना-सौर-ऊर्जा-सहित-ऊर्जा-सञ्चयन-परियोजनायाः विद्युत्-क्रय-सन्धेः निष्पादनं करिष्यन्ति।तेन उक्तं यत् मुरैना-सौर-ऊर्जा-सञ्चयन-परियोजना मध्यप्रदेशस्य प्रथमा सौर-ऊर्जा-भण्डारण-परियोजना अस्ति। अस्याः परियोजनायाः निविदायां प्रति-एककं २.७० रूप्यकाणां दरः प्राप्तः, यः देशे न्यूनतमेषु मूल्येषु गण्यते।अद्य मुख्यमंत्री डॉ.यादवः तथा केन्द्रीयमन्त्री जोशी नीमच-सौर-उद्यानस्य (५०० मेगावाट) तथा शाजापुर-सौर-उद्यानस्य (४५० मेगावाट) शुभारम्भं करिष्यतः। एतयोः उभयोः सौर-परियोजनयोः विद्युत्-दरः प्रति-एककं २.१४ रूप्यकाणि निर्धारितः, यः देशस्य न्यूनतम-दरेषु अन्यतमः अस्ति।मध्यप्रदेश-ऊर्जा-विकास-निगमस्य प्रबन्ध-निदेशकः अमित तोमरः अवदत् यत् लोकार्पण-समारोहे मुख्यमंत्री डॉ.यादवः तथा केन्द्रीयमन्त्री जोशी १५५३.९८ कोटि-रूप्यकाणां मूल्यस्य विविध-औद्योगिक-एककानां तथा अन्येषां विकास-कार्याणां भूमिपूजनं लोकार्पणं च करिष्यतः।

परियोजनानां विवरणम्

• नीमच-सौर-उद्यानम् (५०० मेगावाट) —o प्रथम-एककः — प्रति-एककं २.१५ रूप्यकाणि।o द्वितीय-एककः — प्रति-एककं २.१४ रूप्यकाणि।o तृतीय-एककः — प्रति-एककं २.१५ रूप्यकाणि।• शाजापुर-सौर-उद्यानम् (४५० मेगावाट) —o प्रथम-एककः — प्रति-एककं २.३५ रूप्यकाणि।o द्वितीय-एककः — प्रति-एककं २.३३ रूप्यकाणि।o तृतीय-एककः — प्रति-एककं २.३३९ रूप्यकाणि।• आगर-सौर-उद्यानम् (५५० मेगावाट) (निर्माणाधीनम्) —o प्रथम-एककः — प्रति-एककं २.४५ रूप्यकाणि।o द्वितीय-एककः — प्रति-एककं २.४४ रूप्यकाणि।

Hindusthan Samachar / Divya Ranjan