Enter your Email Address to subscribe to our newsletters
अंतरविभागीयसमन्वयोपवेशने विहिता सर्वकारस्य प्राथमिकतावतीनां योजनानां समीक्षा
ग्वालियरम्, 29 जूनमासः (हि.स.)।
उल्लास नवभारत साक्षरताकार्यक्रमः जनपदे जनाभियानरूपेण सञ्चाल्यताम्। जनपदस्य ग्रामीणनगरीयक्षेत्रेषु ये सर्वे पञ्चदशवर्षाधिकवयस्काः नागरिकाः केनचित् कारणेन औपचारिकविद्यालयीयशिक्षां प्राप्तुं न शक्तवन्तः तेषां सर्वेषां परिचयः क्रियताम्। ते सर्वे शासनस्य अभिप्रायानुसारं नवसाक्षरताकार्यक्रमस्य अन्तर्गतं शिक्षामित्रैः माध्यमेन साक्षराः क्रियन्ताम्।
एतानि निर्देशानि मध्यप्रदेशस्य ग्वालियरजनपदस्य समाहर्त्री रुचिका चौहान सोमवासरे अन्तरविभागीयसमन्वयोपवेशने सम्बद्धाधिकारिभ्यः अददात्। बैठके ई टोकन माध्यमेन उर्वरकवितरणम् निर्माणश्रमिकाणां पञ्जीकरणम् श्रमविभागस्य योजनाः लोकसेवानुबंधाधिनियमेन अधिसूचिताः सेवाः पेयजलस्रोतसां क्लोरीनीकरणम् नलजलयोजनानां विद्युत्पूर्तेः सुचारुत्वम् सी एम हेल्पलाइन के पी आई अन्तर्गतप्राथमिकतायुक्तयोजनानां समीक्षा च कृता।
समाहर्त्री नगरनिगमसहितसम्बद्धविभागानाम् अधिकारिभ्यः निर्देशान् अददात् यत् एतेषां नागरिकाणां समग्रपरिचयपत्रसहितां सूचीं प्रतिदिनम् अद्यतनां कुर्वन्तु। तथा च चिन्हिताः जनाः समीपस्थानां विद्यालयेषु पञ्जीकृताः क्रियन्ताम्। छात्राः शिक्षकाः आङ्गनबाडीकार्यकर्तारः जनाभियानपरिषदः स्वयंसेवकशिक्षकाः सेवाभाविनः नागरिकाश्च साक्षरमित्राः अक्षरसहायिनः च कृत्वा प्रत्येकस्मै पञ्चजनान् साक्षरान् कर्तुं दायित्वं प्रदीयताम्। बैठके उक्तं यत् एन आई एल पी एम पी मोबाइल अनुप्रयोगस्य माध्यमेन कश्चन अपि शिक्षामित्रं भवितुं शक्नोति।
समाहर्तृकार्यालये सोमवासरे सम्पन्ने मेलने परसमाहर्ता कुमार सत्यम जिला पंचायतस्य मुख्यकार्यपालनाधिकारी सोजान सिंह रावत अपरजिलाधिकारिणः सी बी प्रसादः अपरसमाहर्ता अनिल बनवारिया अन्ये च सम्बद्धाधिकारिणः उपस्थिताः आसन्।
सर्वेभ्यः पात्रकृषकेभ्यः ई टोकन निर्माणे बलम्
समाहर्त्री खरीफऋतौ उर्वरकवितरणं अधिकं पारदर्शि सुव्यवस्थितं च कर्तुं कृषकान् ई टोकन निर्माणाय प्रेरयितुं निर्देशान् अददात्। सा अवदत् यत् शासनस्य अभिप्रायानुसारं कृषकेभ्यः ई टोकनाधारेण समीपस्थसहकारिसमितेः समये उर्वरकं प्रदीयताम्। बैठके सूचितं यत् जनपदे अद्यावधि ५४ सहस्र ३७० ई टोकन निर्मितानि सन्ति। तेषामाधारेण ३४ सहस्र ९९३ कृषकाः १७ सहस्र ९०३ मीट्रिकटन परिमितम् उर्वरकं प्राप्तवन्तः। अधुना जनपदे २० सहस्र ९२१ मीट्रिकटन परिमितम् उर्वरकं उपलब्धम् अस्ति। समाहर्त्री डी ए पी उर्वरकस्य विकल्परूपेण एन पी के तथा एस एस पी उर्वरकयोः उपयोगस्य प्रवर्धने अपि बलम् अददात्। तथा निर्धारितसीमातः अधिकम् उर्वरकं गृहीतवन्तः कृषकाः शीघ्रं सत्यापिताः क्रियन्ताम् तथा भूस्थानाङ्कितानि छायाचित्राणि उपलब्धानि क्रियन्ताम् इति निर्देशान् अपि अददात्।
निर्माणश्रमिकाणां पञ्जीकरणं शीघ्रं क्रियताम् समयसीमायां सेवाः प्रदीयन्ताम्
समाहर्त्री रुचिका चौहान लोकसेवागारण्टीअधिनियमस्य अन्तर्गतं अधिसूचितसेवानां समयसीमायां निराकरणं सुनिश्चितं कर्तुं निर्देशान् अददात्। सा स्पष्टतया अवदत् यत् समयसीमालङ्घने नियमानुसारम् अर्थदण्डात्मककार्यवाही क्रियताम्। लाडली लक्ष्मी योजनायाः नवीनावेदनानि लर्निंग लाइसेन्स निर्माणश्रमिकाणां पञ्जीकरणम् अन्यासां सेवासु आवेदनानि च लोकसेवाकेन्द्रैः प्राथमिकतया स्वीकृतानि क्रियन्ताम् इति निर्देशाः अपि प्रदत्ताः। तथा शासनस्य योजनानाम् अन्तर्गतं प्रवर्तमाननिर्माणकार्येषु रेरा पञ्जीकरणाधारितेषु वाणिज्यनिर्माणक्षेत्रेषु संलग्नानां श्रमिकाणां पञ्जीकरणाभियानम् अपि सञ्चाल्यताम् इति उक्तवती।
पेयजलस्रोतसां क्लोरीनीकरणं नलजलयोजनानां विद्युत्पूर्तिः च सुचारु भवतु
वर्षाकालं दृष्ट्वा समाहर्त्री लोकस्वास्थ्ययान्त्रिकीविभागाय निर्देशान् अददात् यत् हस्तचालितजलयन्त्राणां अन्येषां पेयजलस्रोतसां च अभियानरूपेण क्लोरीनीकरणं क्रियताम् तथा भूस्थानाङ्कितानि छायाचित्राणि उपलब्धानि क्रियन्ताम्। सा विद्युत्वितरणकम्पन्याः अधिकारिभ्यः अवदत् यत् विद्युत्सम्बद्धसमस्याभिः जनपदस्य कापि नलजलयोजना बाधिता न भवेत्।
सी एम हेल्पलाइन तथा के पी आई योजनानां समीक्षा
उपवेशने समाहर्त्री सी एम हेल्पलाइन अन्तर्गतलम्बितप्रकरणानां शीघ्रं गुणात्मकं च निराकरणं कर्तुं बलम् अददात्। तथा के पी आई की परफोर्मेन्स इण्डिकेटर अन्तर्गतप्राथमिकतायुक्तयोजनानां प्रगतिम् अपि समीक्ष्य सम्बद्धाधिकारिभ्यः आवश्यकान् दिशानिर्देशान् अददात्।
---------------
Hindusthan Samachar / Dheeraj Maithani