- जीविकानामन्वेषणे सहस्र युवानः अधुनापि विदेशं गंतुं बाध्याः

काठमांडूः, 29 जूनमासः (हि.स.)।

नेपालदेशे जेन जी आन्दोलनानन्तरं प्रधानमन्त्री बालेन्द्रशाहस्य नेतृत्वे नूतनसर्वकारस्य गठनमपि जातम्, तथापि जीविकार्थं विदेशगमनं कुर्वतां नेपालीययुवानां पलायनं न विरतम् इव दृश्यते। प्रतिदिनं सायंकाले सहस्रशः नेपालीययुवानः काठमाण्डूनगरस्थिते त्रिभुवन अन्ताराष्ट्रियविमानपत्तने दृश्यन्ते, यत्र ते उत्तमरोजगारस्य अन्वेषणार्थं विश्वस्य विभिन्नदेशान् प्रति प्रस्थानस्य सिद्धतां कुर्वन्ति। तेषां बहुभिः सह तेषां परिवारजनाः अपि भावुकविदायं दातुं आगच्छन्ति, यत् देशे आजीविकायाः निरन्तरवर्तमानां चुनौतीं प्रकाशयति।

सम्प्रति सर्वकारस्य नेतृत्वं कुर्वती राष्ट्रियस्वतन्त्रदलं निर्वाचनप्रचारकाले नेपालदेशे एव जीविकावसरान् स्रष्टुं यूनां विदेशपलायनं च निवारयितुं प्रतिज्ञां कृतवती आसीत्। दलस्य मते वर्धमानपलायनस्य उत्तरदायित्वं पूर्वसर्वकारेषु आसीत्। तथापि अद्यापि बहवः उद्योगाः सङ्घर्षरताः सन्ति तथा सीमितरोजगारावसराणां विषये चिन्ता अपि वर्तते। प्रतिदिनं सहस्रशः नेपालीययुवानः उत्तमायाः आयायाः आर्थिकसुरक्षायाः च अन्वेषणार्थं भारतम्, मलेशिया, सिङ्गापुरम्, समस्तान् खाडीदेशान्, यूरोपदेशान् तथा अमेरिकादेशं प्रति स्वदेशं त्यजन्ति।

विदेशं प्रति प्रस्थिताः बहवः युवानः निराशां व्यक्तवन्तः। तेषां मते सर्वकारपरिवर्तनानन्तरं स्वदेशे एव रोजगारस्य या आशा आसीत् सा पूर्णा न अभवत्। विमानपत्तनस्य एतत् दृश्यं न केवलं व्यक्तीनां स्वप्नानि आकाङ्क्षाश्च प्रदर्शयति, अपितु देशस्य युवाश्रमशक्तेः स्वदेशे एव संरक्षणस्य महतीं परिस्थितिम् अपि प्रकाशयति। निरन्तरं प्रवर्तमानेन पलायनेन नेपालदेशस्य चिरकालिकाः रोजगारसमस्याः आर्थिकचुनौत्यः च पुनः प्रकाशं गच्छन्ति। देशस्य राजनैतिकनेतृत्वे परिवर्तनम् अभवत्, किन्तु श्रमिकपलायनस्य स्थितिः प्रायः यथावत् एव वर्तते।

श्रम तथा रोजगारमन्त्री रामजीयादवः अवदत् यत् युवानां पलायननिवारणार्थं सर्वकारः स्वपक्षतः निरन्तरं प्रयत्नशीलः अस्ति। नूतनजीविकावसरान् कार्यसुविधानि च उपलब्धानि कर्तुं सर्वकारः अहोरात्रं कार्यं करोति इति तेन उक्तम्। तस्य मते आगामिषु दिवसेषु युवानां विदेशपलायने क्रमशः न्यूनता दृश्यते इति अपेक्षा वर्तते।

---------------

Hindusthan Samachar / Dheeraj Maithani