Enter your Email Address to subscribe to our newsletters
काशीपुरम्, २८ जूनमासः (हि.स.)। उत्तराखण्डस्य उधमसिंह-नगर-जनपदस्य काशीपुरे एकदिवसीय-भ्रमणस्य अवसरे मुख्य-सचिवः आनन्द-बर्द्धनः रविवासरे सिडकुलस्य विविध-औद्योगिक-परियोजनानां तथा प्रस्तावित-राष्ट्रीय-राजमार्ग-बाइपास-परियोजनानां निरीक्षणं कृत्वा कार्येषु शीघ्रतां आनेतुं निर्देशान् अदात्।
मुख्य-सचिवः निर्माणाधीनस्य अरोमा-उद्यानस्य, इलेक्ट्रॉनिक-मैन्युफैक्चरिङ्-क्लस्टर, एस्कॉर्ट-फार्म-स्थितस्य सिडकुल-क्षेत्रीय-कार्यालयस्य, हेमपुर-नेपा-फार्मस्थितायाः ८०३ एकर-भूमेः, काशीपुर-रामनगर-चतुर्मार्गीय-राष्ट्रीय-राजमार्गस्य तथा काशीपुर-बाइपास-वलय-मार्गस्य निरीक्षणं कृत्वा परियोजनानां प्रगतेः समीक्षाम् अकरोत्।
सिडकुलस्य क्षेत्रीय-प्रबन्धकेन सूचितं यत् १३३ एकर-भूमौ विकसिते क्रियमाणे ईएमसी-परिसरे समग्रतः ५६ औद्योगिक-भूखण्डाः सन्ति। तेषु २२ भूखण्डानाम् आवंटनं सम्पन्नम् अस्ति, अवशिष्ट-भूखण्डानां विषये निवेशकैः सह सम्पर्कः प्रचलति। सः अवदत् यत् १७७ कोटि-रूप्यकाणां मूल्यस्य अस्य परियोजनायाः निर्माणकार्यं पेयजल-निगमेन क्रियते। परियोजनायाः समापनार्थं ४५ कोटि-रूप्यकाणाम् अतिरिक्त-धनराशेः याचना शासनाय प्रेषिता अस्ति। धनराशेः प्राप्तेः अनन्तरं अवशिष्टं कार्यं शीघ्रमेव सम्पन्नं भविष्यति। अस्मिन्नवसरे मुख्य-सचिवः ईएमसी-परिसरे पादपारोपणमपि अकरोत्।
ततः परं मुख्य-सचिवः हेमपुर-नेपा-फार्मस्थितां सिडकुलस्य ८०३ एकर-भूमिम् निरीक्ष्य तस्याः विकाससम्भावनानां योजनानां च विषये सूचनाम् अलभत। राष्ट्रिय-राजमार्ग-परियोजनायाः निरीक्षणकाले अधीक्षण-अभियन्त्रा सूचितं यत् काशीपुर-रामनगर-राष्ट्रीय-राजमार्गे ५.७५ किलोमीटरतः आरभ्य रामनगराभिमुखं १८.२६ किलोमीटर-दीर्घस्य चतुर्मार्गीय-मार्गस्य निर्माणं ४९४.४५ कोटि-रूप्यकाणां व्ययेन प्रस्तावितम् अस्ति। परियोजनायाः निविदा-प्रक्रिया सम्पन्ना अस्ति तथा भूमेः प्रतिकर-वितरणस्य प्रक्रिया प्रचलति। वनभूमेः हस्तान्तरणस्य प्रस्तावः भारत-सर्वकाराय प्रेषितः अस्ति। सैद्धान्तिक-अनुमोदनस्य प्राप्त्यनन्तरं निर्माणकार्यं प्रारभ्यते।
मुख्य-सचिवः राष्ट्रिय-राजमार्ग-प्राधिकरणात् बाइपास-परियोजनायाः विस्तृतां सूचनां गृहीत्वा सर्वाः प्रक्रियाः शीघ्रं सम्पन्नाः कर्तुं तथा निर्माणकार्ये शीघ्रतां आनेतुं निर्देशान् अदात्।
अस्मिनवसरे जनपद-विकास-प्राधिकरणस्य उपाध्यक्षः जय-किशनः, मुख्य-विकास-अधिकारी दिवेश-शाशनी, अपर-जनपदाधिकारी कौस्तुभ-मिश्रः, अपर-आरक्षक-अधीक्षकः स्वप्न-किशोरः, उप-जनपदाधिकारी अभय-प्रताप-सिंहः, सिडकुलस्य क्षेत्रीय-प्रबन्धकः विपिन-कुमारः, राष्ट्रिय-राजमार्गस्य अधीक्षण-अभियन्ता हरीश-पङ्गती, अधिशासी-अभियन्ता महेन्द्र-कुमारः, पेयजल-निगमस्य अधिशासी-अभियन्ता नरेन्द्र-नवानी, तहसीलदारः पङ्कज-चन्दोला तथा अन्ये अधिकारीणः उपस्थिताः आसन्।
Hindusthan Samachar / Divya Ranjan