Enter your Email Address to subscribe to our newsletters
हरिद्वारनगरम्, २९ जूनमासः (हि.स.)। थोक-केन्द्रीय-उपभोक्ता-सहकारी-भण्डार-लिमिटेड्, हरिद्वारस्य निदेशक-पदस्य निर्वाचनस्य समये सोमवासरे जनपद-चिकित्सालयस्य पुरतः स्थिते कार्यालये मतदानस्य मध्ये कोलाहलः अभवत्। आरोपः अस्ति यत् मतदानस्य समये विकास-तिवारी-महोदयेन हस्तक्षेपः कृतः, ततः वाक्कलहानन्तरं केचन जनाः तेन सह युद्धम् अकुर्वन्।
विकास-तिवारी हरिद्वार-भाजपापक्षस्य वरिष्ठ-नेता तथा प्रान्तीय-सह-माध्यम-प्रभारी अस्ति। सूचनां प्राप्य स्थले प्राप्तया आरक्षकेण एकः जनः निगृहीतः। तिवारी-महोदयेन अस्मिन् विषये सुनहरी-ग्राम-निवासिनः सुशील-चौहानस्य विरुद्धं युद्धस्य हत्या-प्रयत्नस्य च आरोपं कृत्वा लिखित-प्रार्थना समर्पिता।
उक्तं यत् मतदानस्य समये भाजपापक्षस्य वरिष्ठ-नेता प्रान्तीय-सह-माध्यम-प्रभारी विकास-तिवारी तथा केषाञ्चन मतदातॄणां प्रत्याशी-समर्थकानां च मध्ये विवादः अभवत्। विवादस्य वर्धने विकास-तिवारी-महोदयेन सह युद्धं कृतम्। ततः सः नगर-कोतवालीम् उपगत्य सम्बद्ध-जनानां विरुद्धं युद्धस्य तथा जीवनेन मारयितुं भीति-प्रदानस्य आरोपं कृत्वा लिखित-प्रार्थनां समर्पितवान्। आरक्षकेण प्रकरणस्य अन्वेषणं क्रियते।
Hindusthan Samachar / Divya Ranjan