जयपुरम्, 29 जूनमासः (हि.स.)।

भारतीयजनतादलेन यमुनाजलसहमतिः राजस्थानस्य कृते ऐतिहासिकदिवसः इति निरूप्य प्रधानमन्त्री नरेन्द्रमोदी केन्द्रीयगृहमन्त्री अमितशाह च प्रति कृतज्ञतां व्यक्तवती। भाजपायाः वरिष्ठनेता पूर्वप्रतिपक्षनेता राजेन्द्रराठौड अवदत् यत् द्वात्रिंशद्वर्षपूर्वं शेखावाटीप्रदेशस्य जनानां कृते तत्कालीनमुख्यमन्त्रिणा स्वर्गीयभैरोसिंहशेखावत इत्यनेन दृष्टं स्वप्नं मुख्यमन्त्री भजनलालशर्मणा साकारं कृतम्। तेन उक्तं यत् राजस्थानाय यमुनाजलस्य १९१७ क्यूसेक औसतप्रवाहः ५७७ एम सी एम निर्धारितांशः हरियाणाराज्यस्य हथिनीकुण्डबैराजस्थलात् चूरूजनपदस्य हासियावासजलाशयं यावत् २९५ दशमलव ५ किलोमीटर भूमिगतनलिकामार्गेण प्राप्स्यति। एतया ३४ सहस्र १०२ कोटिरूप्यकपरिमितव्यययुक्तया परियोजनया सीकर चूरू झुञ्झुनूं जनपदानां प्रायः ७५ लक्षजनाः लाभान्विताः भविष्यन्ति।

तेन सूचितं यत् राजस्थानस्य कृते एतां महतीम् उपलब्धिं सम्पाद्य मुख्यमन्त्री भजनलालशर्मा मङ्गलवासरे प्रातः ९ वादने जयपुरनगरम् आगमिष्यति। तस्य विमानस्थानके शेखावाटीप्रदेशस्य जनसमुदायेन भाजपाकार्यकर्तृभिश्च अभिनन्दनं क्रियिष्यते। तेन अस्मिन् अवसरे पूर्वमुख्यमन्त्री अशोकगहलोत अपि मुख्यमन्त्रिणः अभिनन्दनाय आमन्त्रितः।

भाजपायाः वरिष्ठनेता राजेन्द्रराठौड अवदत् यत् कतिपयदिनपूर्वं पूर्वमुख्यमन्त्री अशोकगहलोत उक्तवान् आसीत् यत् यदि यमुनाजलविषये कश्चन समझौतिः भविष्यति तर्हि सः मुख्यमन्त्री भजनलालशर्माणं अभिनन्दिष्यति। अद्य सः समयः आगतः यदा केन्द्रीयगृहमन्त्रिणः अध्यक्षतायां केन्द्रीयजलशक्तिमन्त्रिणः उपस्थितौ राजस्थानहरियाणयोः मध्ये समझौतापत्रे हस्ताक्षराणि सम्पन्नानि।

तेन काङ्ग्रेसदलम् आक्षिपन् उक्तवान् यत् ते स्वघोषणापत्रे यमुनाजलप्राप्तेः विषये वदन्ति स्म किन्तु शासनं प्राप्य मौनं धारयन्ति स्म। तेन उक्तं यत् एतत् आश्चर्यजनकम् अस्ति यत् हरियाणाविधानसभानिर्वाचने राजस्थानाय जलं न दातव्यम् इति कथ्यते तथा राजस्थानस्य काङ्ग्रेसनेतारः तत्र निर्वाचनप्रचाराय गच्छन्ति स्म। तेन उक्तं यत् काङ्ग्रेसनेतारः एम ओ यू तथा एम ओ ए इत्येतयोः मध्ये भेदम् अपि न जानन्ति। तेषां ज्ञातव्यं यत् एतत् एम ओ यू नास्ति अपितु एम ओ ए अस्ति।

तेन उक्तं यत् १९९४ तमे वर्षे भैरोसिंहशेखावत शेखावाटीप्रदेशस्य तस्याः भूमेः महान् अपेक्षां पूरयितुं स्वप्नं दृष्टवान् आसीत्। तत् स्वप्नं भूमिपुत्रेण कृषकपुत्रेण मुख्यमन्त्रिणा भजनलालशर्मणा पूर्णीकृतम्। विगतद्विवर्षार्धकाले प्राणपणेन कृतप्रयत्नानाम् परिणामः एव यत् अद्य शेखावाटीप्रदेशस्य ७५ लक्षजनाः राहतिम् अनुभवन्ति।

तेन उक्तं यत् विगतद्विवर्षार्धकाले हरियाणाराज्येन राजस्थानराज्येन च प्रथमं एम ओ यू ततः अनन्तरं डी पी आर निर्माणार्थं सहमतिर्जाता। तदनन्तरम् अद्यावधि अष्ट बैठका सम्पन्नाः। फेब्रुवरीमासे हरियाणाराज्येन नलिकामार्गस्य अलाईनमेन्ट स्वीकृतम्। अस्माभिः अर्थसंकल्पे अपि अस्य कृते समुचितः प्रावधानः कृतः। एतां परियोजनां राष्ट्रीयपरियोजनारूपेण स्वीकर्तुं राज्यसर्वकारः सर्वान् सम्भवान् प्रयत्नान् करोति। परियोजनायाः आवश्यकभूम्यधिग्रहणं निविदाप्रक्रिया च शीघ्रमेव प्रारभ्येते।

सीकरस्य पूर्वसांसदः स्वामी सुमेधानन्दसरस्वती अवदत् यत् स्वस्य सांसदकार्यकाले सः संसदि एतं विषयम् उत्थापितवान् आसीत् किन्तु राज्यस्य तत्कालीनकाङ्ग्रेससर्वकारस्य इच्छाशक्तेः अभावात् समुचितप्रयत्नानां च अभावात् अपेक्षिता सफलता न प्राप्ता। किन्तु मुख्यमन्त्री भजनलालशर्मणः निरन्तरप्रयत्नैः अस्माभिः सफलता प्राप्ता। मुख्यमन्त्री भजनलालशर्मा शेखावाटीप्रदेशस्य जनानां कृते भागीरथः इव आगतः।

---------------

Hindusthan Samachar / Dheeraj Maithani