Enter your Email Address to subscribe to our newsletters
देवरियानगरे, ०३ जूनमासः (हि.स.)। उत्तरप्रदेशस्य देवरिया-जनपदे बुधवासरे अनीलकोष-तैल-पदार्थानां च मूल्येषु निरन्तरं भवति वृद्धि-विरोधे समाजवादी-पक्षस्य (सपा) कार्यकर्तृभिः बरहज-तहसीलमार्गे प्रदर्शनं कृतम्। सपा-नेता विजयरावतस्य नेतृत्वे आयोजिते अस्मिन् प्रदर्शनकाले कार्यकर्तारः हस्तेषु स्फोरकपत्राणि धारयन्तः भारतीयजनतापक्ष-सर्वकार-विरोधिनः घोषाः अकुर्वन् तथा च वर्धमान-महार्घ-विरुद्धं स्वस्वरम् उच्चैः कृतवन्तः।
प्रदर्शनं सम्बोधयन् विजयरावत: उक्तवान् यत् भाजप-सर्वकारेण जनाः महार्घ-अग्नौ निक्षिप्ताः सन्ति। अनीलकोष-डीजल-पेट्रोलयोः निरन्तरवर्धमान-मूल्यैः सामान्यजनानां जीवनं प्रभावितम् अभवत्। सः आरोपितवान् यत् भाजपा-दलेन महार्घ-नियन्त्रणस्य वाग्दानेन सत्ता प्राप्ता, किन्तु तस्य शासनकाले महार्घं सततं वर्धितम्, जनानां कृते च किमपि वास्तविकं सौविध्यं न प्राप्तम्।
विजयरावत: उक्तवान् यत् अनीलकोषतः आरभ्य आवश्यक-वस्तुपर्यन्तं मूल्यानां वृद्धेः कारणेन दरिद्राः, कृषकाः, श्रमिकाः तथा मध्यमवर्गः विशेषतया प्रभाविताः सन्ति। सः दावं कृतवान् यत् जनता अधुना परिवर्तनम् इच्छति तथा समाजवादी-पक्षं प्रति आशाया: दृष्ट्या पश्यति। सः उक्तवान् यत् यदि समाजवादी-सरकारः भविष्यति तर्हि महार्घ-नियन्त्रणाय प्रभावी प्रयत्नाः भविष्यन्ति तथा जनानां कृते सौविध्य-प्रदानाय सुदृढाः उपायाः स्वीकरिष्यन्ते।
प्रदर्शनकाले कार्यकर्तारः सर्वकारं प्रति महार्घ-नियन्त्रणाय तत्क्षणिकं याचनां कृतवन्तः। अस्मिन् अवसरे विकास-यादवः, संजय-निषादः, राहुल-त्रिपाठी, आलोक-तिवारी, वीरेंद्र-यादवः, इमाम-अंसारी, भोलू-गुप्तः इत्यादयः अनेके समाजवादी-पक्षस्य कार्यकर्तारः उपस्थिताः आसन्।
Hindusthan Samachar / Divya Ranjan