अभिनेत्री कङ्गना-रणौत स्वस्य नवीन-चलच्चित्रेण ‘भारत-भाग्य-विधाता’ इत्यनेन प्रेरणादायिनीं कथां विशाल-पटले प्रस्तोतुं आगच्छति। एषः चलच्चित्रः आगामि द्वादश-जून-दिने चलच्चित्रगृहेषु प्रदर्शितः भविष्यति। सत्य-घटनाभ्यः प्रेरिते अस्मिन् चलच्चित्रे महतः संकटस्य समये चतुःशताधिक-जनानां प्राणरक्षणं कृतवतीनां परिचारिकाणां चिकित्सालय-कर्मचारिणां च अद्भुतं साहसं समर्पणं च प्रदर्शितम् अस्ति। चलच्चित्रस्य उद्देश्यं तेषां अदृश्य-नायकानां कथां जनसमक्षं प्रस्तुतुं वर्तते, येषां योगदानं प्रायः पर्याप्त-मान्यता न प्राप्नोति।

चलच्चित्रस्य निर्माता डॉ. जयन्तीलाल-गडा उक्तवान् यत् यदा तेन एषा कथा प्रथमवारं श्रुता, तदा सः तया इत्थं प्रभावितः अभवत् यत् केवलं अर्ध-घण्टायाः अन्तरे एव चलच्चित्र-निर्माणाय स्वीकृतिं दत्तवान्। तस्य मतानुसारं एषः केवलं चलच्चित्रः न, अपितु मानवता कर्तव्यं साहसं च इत्येषां भावनात्मकः दस्तावेजः अस्ति, यः दर्शकान् प्रेरयिष्यति।

पेन-स्टूडियोज् मणिकर्णिका-फिल्म्स् तथा परमहंस-क्रिएशन्स् इत्येतयोः फलकस्य अन्तर्गतं निर्मितः एषः चलच्चित्रः तान् सामान्य-जनान् सम्मानयति, ये असाधारण-परिस्थितिषु अग्रे गत्वा अन्येषां जीवन-रक्षणं कृतवन्तः।

निर्मातारः मन्यन्ते यत् कङ्गना-रणौत इत्यस्याः भूमिका तस्याः करियरस्य सर्वाधिक-भिन्ना प्रभावशालिनी च भूमिका सिद्धा भविष्यति। चलच्चित्रे तया सह गिरिजा-ओक तथा स्मिता-ताम्बे अपि महत्त्वपूर्ण-भूमिकासु दृश्येते। चलच्चित्रस्य संगीतं ज़ी-म्यूजिक् इत्यस्य अन्तर्गतं प्रकाशितं भविष्यति, यदा वितरणस्य उत्तरदायित्वं पेन-मरुधर वहिष्यति।

‘भारत-भाग्य-विधाता’ इत्येतत् चलच्चित्रं ताः सत्य-घटनाः दर्शकेभ्यः प्रापयितुं प्रयासं करोति, याः यद्यपि अल्पतया समाचार-शीर्षकेषु आगताः, तथापि यासु निहितं साहसं सेवाभावना च समाजस्य कृते प्रेरणायाः स्रोतः अस्ति।

Hindusthan Samachar / Dheeraj Maithani