कोलकाता, 02 जूनमासः (हि.स.)। तृणमूल काङ्ग्रेसदले वर्तमानायाम् आन्तरिककलहे मध्ये दलस्य विपक्षविधायकाः पश्चिमबङ्गविधानसभायाः अध्यक्षाय रथीन्द्र बसवे पत्रं प्रेष्य ऋतब्रत बनर्जी इत्यस्य विधानसभायां विपक्षनेतृत्वपदे नियुक्तेः मागं कृतवन्तः। अस्मिन् पत्रे ५८ विधायकानां हस्ताक्षराणि सन्ति इति दावा कृतः अस्ति।

पत्रे केवलं विपक्षनेतुः पदस्य कृते एव न, अपितु विधानसभायां तृणमूल विधायकदलस्य उपनेतॄणां तथा मुख्यसचेतकस्य नामानि अपि प्रस्तावितानि सन्ति। उपनेतृपदे संदीपन साहा, जावेद खान तथा शिउली साहा इत्येषां नामानि सूचितानि सन्ति, यदा मुख्यसचेतकपदस्य कृते आखरुज्जमान इत्यस्य नाम प्रस्तावितम् अस्ति।

तथापि विधानसभाध्यक्षेन एतत् पत्रम् आधिकारिकरूपेण स्वीकृतम् अस्ति वा न वा, अस्य पुष्टि अद्यापि न जाता। यदि अध्यक्षः पत्रं स्वीकुर्यात्, तर्हि उलूबेड़िया क्षेत्रस्य विधायकः ऋतब्रत बनर्जी औपचारिकरूपेण विपक्षनेतुः अधिकारं प्राप्तुं शक्नुयात्। उल्लेखनीयं यत् बागीविधायकैः प्रेषिते पत्रे ममता बनर्जी एव दलस्य सभानेत्री इति निर्दिष्टा अस्ति।

वास्तवतः कथितहस्ताक्षरजालसाजीविवादस्य प्रकाशे आगमनात् अनन्तरं तृणमूल काङ्ग्रेसदले मतभेदाः स्पष्टतया प्रकटिताः। विवादस्य आरम्भः तस्मात् प्रस्तावपत्रात् अभवत्, यस्मिन् वरिष्ठतृणमूलविधायकः शोभनदेव चट्टोपाध्याय विपक्षनेतृत्वपदे नियुक्तव्यः इति अनुशंसा कृता आसीत्। आरोपः कृतः यत् तृणमूलस्य राष्ट्रीयमहासचिवेन अभिषेक बनर्जी महोदयेन विधानसभाध्यक्षाय प्रेषिते प्रस्तावपत्रे अनेकेषां विधायकानां हस्ताक्षराणि कूटरीत्या उपयोजितानि।

मुख्यमन्त्री शुभेन्दु अधिकारी प्रतिपादितवान् आसीत् यत् ऋतब्रत बनर्जी तथा संदीपन साहा एव सर्वप्रथमं विधानसभायै कथितहस्ताक्षरजालसाज्याः सूचना दत्तवन्तौ। तदनन्तरं हेयर स्ट्रीट आरक्षिस्थाने प्राथमिकी पञ्जीकृता तथा पुलिसेन अन्वेषणं प्रारब्धम्। अस्य प्रकरणस्य अन्वेषणे सीआईडी अपि पुलिसस्य साहाय्यं करोति। अन्वेषणकाले अद्यावधि १३ विधायकेभ्यः प्रश्नोत्तरं कृतम् अस्ति।

अस्य विवादस्य मध्ये तृणमूल काङ्ग्रेसदले विभाजनस्य बाध्यताः अपि तीव्रतां गताः। ऋतब्रत बनर्जी तथा संदीपन साहा इत्येतयोः दलात् निष्कासनानन्तरं असन्तुष्टविधायकानां संख्या निरन्तरं वर्धमाना दृश्यते। अनेकाः विधायकाः प्रत्यक्षरूपेण दलनेतृत्वस्य विरोधे वक्तव्यं दत्तवन्तः, येन सङ्गठनस्य अन्तर्गतसंकटं अधिकं गभीरम् अभवत्।

राजनीतिकक्षेत्रेषु एषा चर्चा अपि प्रचलति यत् बागीविधायकाः स्वान् “नव तृणमूल” इति रूपेण स्थापितुं प्रयतन्ते। तेन सह एषः प्रश्नः अपि उद्भूतः यत् भविष्ये दलस्य आधिकारिकनिर्वाचनचिह्नं कस्मिन् समूहे भविष्यति।

अस्यैव राजनीतिकतनावस्य मध्ये मङ्गलवासरे लोकसभासांसदः अभिषेक बनर्जी अपि विधानसभाध्यक्षाय पत्रं संप्रेष्य शोभनदेव चट्टोपाध्याय इत्यस्मै तत्कालं विपक्षनेतुः अधिकारन्दातुं मागं कृतवान्। तथापि तस्मिन् समये अध्यक्षः रथीन्द्र बसु कोलकातानगरे उपस्थितः न आसीत्, अतः पत्रं स्वीकर्तुं न शक्यत। बुधवासरे अध्यक्षः विधानसभां प्राप्तवान्, तदनन्तरं अस्मिन् सम्पूर्णघटनाक्रमे राजनीतिकदृष्टयः केन्द्रिताः अभवन्।--------------

Hindusthan Samachar / Dheeraj Maithani