Enter your Email Address to subscribe to our newsletters
कोलकातानगरम्, जूनमासस्य ३० दिनाङ्कः (हि.स.)। हूल-दिवसस्य अवसरे पश्चिमबङ्गस्य मुख्यमन्त्री शुभेन्दु-अधिकारी सन्थाल-विद्रोहस्य अमर-बलिदानिभ्यः भावपूर्णां श्रद्धाञ्जलिम् अर्पितवान्। सः सामाजिक-माध्यमे प्रकाशिते स्वसन्देशे उक्तवान् यत् सन्थाल-विद्रोहस्य महानायकाः सिद्धो-कान्हो-चाँद-भैरवः तथा अन्ये वीरसैनिकाः च प्रदर्शितवन्तः अदम्यं शौर्यं, संघर्षभावना, सर्वोच्चं बलिदानं च भारतस्य इतिहासस्य स्वर्णिमम् अध्यायम् अस्ति।
मुख्यमन्त्री स्वसन्देशे अवदत् यत् एते वीरयोद्धारः आङ्ग्ल-औपनिवेशिक-शासनस्य दमननीतेः विरुद्धं यया निर्भीकतया दृढसङ्कल्पेन च संघर्षम् अकुर्वन्, सः संघर्षः अग्रिम-वंशानां कृते सदा प्रेरणास्रोतः भविष्यति।
तेन उक्तं यत् स्वभूमेः, स्वाधिकाराणां स्वाभिमानस्य च रक्षणार्थम् एतेषां महानां सेनानीनां समर्पणभावः अस्मान् न्यायस्य, समानतायाः अधिकाराणां च संरक्षणार्थं दृढतया स्थितुं प्रेरयति।
मुख्यमन्त्री शुभेन्दु-अधिकारी अवदत् यत् हूल-दिवसे समग्रः प्रदेशः एतेषाम् अमर-बलिदानिनाम् अदम्य-शौर्यं, त्यागं बलिदानं च प्रणमति, तेषां गौरवपूर्णं योगदानं च श्रद्धया स्मरति। तेषाम् अमरा परम्परा देशवासिनः राष्ट्रहिताय समाजं प्रति च स्वकर्तव्यपालनाय सदा प्रेरयिष्यति।
Hindusthan Samachar / Divya Ranjan