Enter your Email Address to subscribe to our newsletters
खूण्टिनगरम्, ३० जूनमासः (हि.स.)। झारखण्ड-मुक्ति-मोर्चा-जनपद-समित्या मङ्गलवासरे जनपदाध्यक्षस्य जुबैर-अहमदस्य अध्यक्षतायां जनपद-कार्यालये श्रद्धया सम्मानपूर्वकं च हूल-दिवसः आचरितः। अस्मिन्नवसरे महान् क्रान्तिकारिणौ वीरौ सिदो-कान्हू, चान्द-भैरवः तथा फूलो-झानो इत्येतयोः चित्रेषु माल्यार्पणं पुष्पाञ्जलिश्च समर्प्य तेषां बलिदानं स्मृतम्।
कार्यक्रमस्य समये समीपे दिवङ्गतस्य झारखण्ड-मुक्ति-मोर्चाया: जनपद-सचिवस्य स्वर्गीय-सुशील-पाहनस्य पुण्यस्मृतौ उपस्थितैः नेतृभिः कार्यकर्तृभिश्च एक-मिनिट-पर्यन्तं मौनम् आचरित्वा भावपूर्णा श्रद्धाञ्जलिः अर्पिता।
वक्तारः अवदन् यत् सङ्गठनं प्रति तस्य समर्पणम्, सत्यता, सङ्घर्षशीलता च कार्यकर्तॄन् सदैव प्रेरयिष्यति।
जनपदाध्यक्षः जुबैर-अहमदः अवदत् यत् हूल-दिवसः केवलं स्मृति-दिवसः नास्ति, अपितु जल-वन-भूमेः, आदिवासी-अस्मितायाः सामाजिक-न्यायस्य च कृते सम्पन्नस्य ऐतिहासिक-सङ्घर्षस्य प्रतीकः अस्ति। सः कार्यकर्तॄन् वीर-शहीदानाम् आदर्शान् अनुसृत्य सङ्गठनं समाजं च सुदृढं कर्तुम् आहूतवान्।
अस्मिन् कार्यक्रमे केन्द्रीय-सदस्यः भोलानाथ-लालः, मकसूद-अंसारी, मनोजमण्डलः, शङ्करसिंह-मुण्डा, मौजीर-अंसारी इत्यादयः बहुसंख्यकाः झारखण्ड-मुक्ति-मोर्चाया: नेतारः कार्यकर्तारश्च उपस्थिताः आसन्।
Hindusthan Samachar / Divya Ranjan