Enter your Email Address to subscribe to our newsletters
- भोपाल मेट्रो परियोजनायाः के स्टेकहोल्डर्स इत्यस्य कोऑर्डिनेशनसंबद्धम् उपवेशनञ्जातम्।
भोपालम्, 30 जूनमासः (हि.स.)।
भोपाल मेट्रोपरियोजना प्रदेशस्य महत्त्वाकाङ्क्षिणी परियोजना अस्ति, यस्याः समयबद्धगुणवत्तापूर्णक्रियान्वयनाय सर्वेषां विभागानां परस्परसमन्वयः अत्यन्तम् आवश्यकः। विभागीयस्तरे लम्बितप्रकरणानां त्वरितनिराकरणं कृत्वा परस्परसमन्वयेन कार्येषु गतिः आनयितव्या, येन नागरिकेभ्यः शीघ्रम् आधुनिकं सुरक्षितं सुगमं च मेट्रोपरिवहनसौकर्यम् उपलब्धं कर्तुं शक्येत।
एतानि निर्देशानि नगरीयप्रशासनविकासायुक्तः संकेत भोंडवे मङ्गलवासरे भोपाल मेट्रोरेलपरियोजनायाः सुचारुसञ्चालनार्थं विविधविभागैः सह आयोजितायां हितधारकसमन्वयोपवेशनेघं अददात्। सः अवदत् यत् परियोजनायाः सफलता सामूहिकउत्तरदायित्वे विभागान्तरसमन्वये च एव अवलम्बते।
आयुक्तेन भोंडवेन मेट्रोपरियोजनायाः निर्माणकार्याणां भौतिकप्रगतेः विस्तृतसमीक्षा कृता तथा विविधविभागानां मध्ये समन्वयसम्बद्धविषयेषु चर्चा अपि कृता। विभागीयकार्यप्रणालीम् अधिकप्रभाविनीं कर्तुं आयोजितायां बैठके मेट्रोपरियोजनासम्बद्धाधारभूतसंरचनाविषयेषु यथा मार्गनिर्माणमार्गमरम्मतकार्येषु, जलनिर्गमनव्यवस्थायां, निर्गमननालिकानां सघनस्वच्छीकरणे च विस्तरेण चर्चा अभवत्। वर्षाकालस्य दृष्ट्या सम्भावितजलसञ्चयक्षेत्रेषु नागरिकसुविधार्थं सर्वे आवश्यकप्रबन्धाः समयपूर्वमेव सुनिश्चिताः भवेयुः इति निर्देशाः अपि दत्ताः।
एतेन सह परियोजनामार्गे विद्यमानानाम् अतिक्रमणानाम् अपसारणम्, मलजलनलिकानां पेयजलनलिकानां च स्थानान्तरणम्, विविधोपयोगितासेवासु त्वरितस्थानान्तरणम् तथा विज्ञापनपट्टिकानां वृक्षाणां च वैज्ञानिकविस्थापनम् इत्यादिमहत्त्वपूर्णविषयेषु अपि गम्भीरसमीक्षा कृता। आयुक्तेन भोंडवेन लम्बितकार्याणां शीघ्रनिस्तारणार्थं सम्बन्धितविभागेभ्यः तत्परतया आवश्यककार्यवाही सुनिश्चितीकरणस्य निर्देशाः दत्ताः, येन निर्माणकार्ये किमपि व्यवधानं न उत्पद्येत। तेन निर्माणकाले सुगमयातायातव्यवस्थापनस्य सुनिश्चितीकरणे तथा विविधसंस्थानां मध्ये संवादः अधिकः सजीवः निरन्तरः च भवेत् इत्यत्र विशेषः बलः प्रदत्तः।
उपवेशने भोपाल मेट्रोरेल कॉर्पोरेशन लिमिटेड संस्थायाः वरिष्ठाधिकारिणः, नगरनिगमभोपालस्य आयुक्तः, जिलाप्रशासनस्य, लोकनिर्माणविभागस्य, पुलिसविभागस्य, विद्युतविभागस्य, एनएचएआई संस्थायाः तथा एमएसएमई विभागस्य अधिकारिणः प्रतिनिधयः च उपस्थिताः आसन्।
---------------
Hindusthan Samachar / Dheeraj Maithani