कोलकाता, 30 जूनमासः (हि.स.)। केन्द्रीयः पर्यावरणवनजलवायुपरिवर्तनमन्त्री भूपेन्द्रयादवः मङ्गलवासरे पश्चिमबङ्गस्य मुख्यमन्त्रिणा शुभेन्द्वधिकारीणाऽ सह कोलकातानगरस्य बिधाननगरस्थिते तस्य निवासस्थाने शिष्टाचारभेटम् अकरोत्। अस्मिन् अवसरे शुभेन्द्वधिकारी केन्द्रीयमन्त्रिणे जन्मदिनस्य शुभकामनाः प्रदाय तस्य उत्तमस्वास्थ्यं सुखं समृद्धिं दीर्घायुष्यम् च अकामयत्।

शुभेन्द्वधिकारी सामाजिकमाध्यममञ्चे ‘एक्स’ इत्यत्र एतस्याः भेटायाः विषये सूचनां प्रसारयन् अवदत् यत् तेन भूपेन्द्रयादवाय जन्मदिनस्य हार्दिकाः शुभकामनाः प्रदत्ताः तथा च मातुः काल्याः समीपे तस्य स्वस्थदीर्घजीवनाय प्रार्थना कृता।

तेन उक्तं यत् अस्यां भेटायां पश्चिमबङ्गस्य विकासप्रगतिसम्बद्धेषु विविधेषु विषयेषु सार्थका चर्चा अभवत्। तेन विश्वासः व्यक्तीकृतः यत् राज्यस्य विकाससम्बद्धेषु विषयेषु केन्द्रराज्ययोः मध्ये सकारात्मकः सहयोगः अग्रेऽपि निरन्तरं प्रवर्तिष्यते।

उल्लेखनीयम् अस्ति यत् केन्द्रीयः मन्त्री भूपेन्द्रयादवः भारतीयप्राणिसर्वेक्षणस्य (जूलॉजिकल सर्वे ऑफ इण्डिया) कार्यक्रमे सहभागितां कर्तुं कोलकातानगरम् आगतः अस्ति। अस्यैव प्रवासस्य अवसरे तेन शुभेन्द्वधिकारिणा सह शिष्टाचारमेलनं कृतम्।-------------

Hindusthan Samachar / Dheeraj Maithani