कोकराझाडः (असमः), 04 जूनमासः (हि.स.)।

बोडोलैण्डप्रादेशिकपरिषदः बीटीसी शासनम् व्ययेषु न्यूनीकरणस्य उद्देशेन एकं महत्त्वपूर्णं निर्णयं स्वीकृत्य एमसीएलए तथा कार्यकारिसदस्यानां वेतनेषु ३० प्रतिशतं न्यूनीकरणं कर्तुं निर्णयं कृतवती।

अयं निर्णयः कार्यकारिपरिषदः सभायां गृहीतः। परिषदा आगामिषु षट्सु मासेषु एतत् न्यूनीकरणं प्रवर्तयितुं निर्देशः प्रदत्तः। बीटीसी प्रमुखः हग्रामा महिलारी गतायां रात्रौ सभानन्तरं उक्तवान् यत् मध्यपूर्वप्रदेशे युद्धसदृशपरिस्थितीनां तथा तस्मात् उत्पन्नानां वैश्विकआर्थिकअनिश्चिततानां दृष्ट्या एषः उपायः स्वीकृतः।

तेन उक्तं यत् वित्तीयानुशासनस्य संरक्षणार्थं तथा शासकीयव्ययेषु न्यूनीकरणार्थं एषा अस्थायिव्यवस्था प्रवर्तिता अस्ति। परिषदः मन्यते यत् वर्तमानपरिस्थितिषु संसाधनानां विवेकपूर्णः उपयोगः अत्यावश्यकः अस्ति।

बीटीसी प्रशासनम् एतत् आपत्कालीनव्ययसङ्कोचनात्मकम् उपायम् इति वर्णयित्वा उक्तवान् यत् षण्मासानन्तरं परिस्थितेः पुनः समीक्षा कृता भविष्यति तथा अनन्तरं अग्रिमनिर्णयः स्वीकृतः भविष्यति।

-----------

Hindusthan Samachar / Dheeraj Maithani