Enter your Email Address to subscribe to our newsletters
रायपुरम् 04 जूनमासः (हि.स.)।
कृषिमन्त्री रामविचारनेतामेन पूर्वभारतीयप्रशासनिकसेवाधिकारी, प्रख्यातप्रशासकः तथा विंशत्यधिकग्रन्थानां लेखकः बीकेएसरे इत्यस्य निधनविषये गाढं शोकं व्यक्तीकृतम्।
नेतामेन उक्तं यत् बीकेएसरे एकः कुशलः, संवेदनशीलः तथा दूरदर्शी प्रशासकः आसीत्। तेन स्वस्य प्रशासनिकानुभवेन, ज्ञानेन तथा लेखनेन समाजाय शासनप्रशासनाय च महत्त्वपूर्णां दिशां प्रदत्ता। तस्य निधनं सार्वजनिकजीवनस्य, प्रशासनिकक्षेत्रस्य तथा साहित्यजगतः कृते अपूरणीया क्षतिः अस्ति।
नेतामेन स्मारितं यत् डा. रमणसिंहस्य मुख्यमन्त्रित्वकाले यदा सः गृहमन्त्री आसीत् तदा बीकेएसरे गृहसचिवरूपेण तेन सह स्वदायित्वानां निर्वहणं अत्यन्तदक्षतया निष्ठया च कुर्वन् आसीत्। शासनप्रशासनस्य विविधविषयेषु तस्य गम्भीरा समझ कार्यकुशलता च सदैव प्रेरणादायिनी भविष्यति।
कृषिमन्त्री रामविचारनेतामेन दिवङ्गतात्मने श्रद्धाञ्जलिं समर्प्य ईश्वरात् प्रार्थना कृता यत् सः तस्मै स्वश्रीचरणेषु स्थानं दद्यात् तथा शोकसन्तप्तपरिजनान् शुभचिन्तकांश्च अस्मिन् कठिनकाले धैर्यं संबलं च प्रदद्यात्।
उल्लेखनीयं यत् छत्तीसगढराज्यस्य १९७२ तमे वर्षस्य वरिष्ठसेवानिवृत्तभारतीयप्रशासनिकसेवाधिकारी बीकेएसरे इत्यस्य निधनं मङ्गलवासरे जूनमासस्य तृतीयदिवसे रात्रेः उत्तरार्धे अभवत्। तस्य वयः सप्तसप्ततिवर्षाणि आसीत् तथा सः दीर्घकालात् अस्वस्थः आसीत्।
तं गतमासे रायपुरस्थिते एम्सचिकित्सालये प्रवेशितवन्तः, यत्र उपचारकाले तेन अन्तिमः श्वासः त्यक्तः।
---------------
Hindusthan Samachar / Dheeraj Maithani