Enter your Email Address to subscribe to our newsletters
नवदिल्ली, ०४ जूनमासः (हि.स.)। कांग्रेस-पक्षः केन्द्र-शिक्षा-मन्त्रालयं तथा केंद्रीय-माध्यमिक-शिक्षा-परिषद् (सीबीएसई) प्रति ऑन-स्क्रीन-मार्किंग (ओएसएम) प्रणाली तथा कक्षा ९ एवं १० मध्ये त्रि-भाषा-सूत्रस्य शीघ्र-स्वेच्छया प्रकारेण कार्यान्वयनस्य आरोपं कृतवान्।
कांग्रेस-दलस्य महासचिवः (सञ्चारः) जयराम रमेश गुरुवासरे सामाजिक-माध्यमे ‘एक्स’-माध्यमेन उक्तवान् यत् अस्मात् कारणात् शैक्षणिक-व्यवस्था व्याकुला भविष्यति।
तेन उक्तं यत् डिसेम्बर् २०२५ तमे मासे सीबीएसई-गवर्निंग-बॉडी पाठ्यक्रम-समितेः वार्तां स्वीकृतवती, यत् एनसीईआरटी-द्वारा ग्रेडेड-पाठ्यपुस्तकानि यावत् न प्रकाश्यन्ते, तावत् पुरातन-भाषा-व्यवस्था यथावत् स्थास्यति। परन्तु मे २०२६ तमे मासे सीबीएसई परिपत्रं निस्सार्य ०१ जुलाईमासतः कक्षा ९ एवं १० मध्ये तृतीय-भाषा-योजनां नियोक्तुं निर्देशं दत्तवान्, तथा कक्षा ६ एनसीईआरटी-पाठ्यपुस्तकैः कक्षा ९ छात्रान् पाठयितुं अपि उक्तवान्।
सः प्रश्नम् उत्थापितवान् यत् षड्-मासानां मध्ये किं परिवर्तितम्, यतः एनसीईआरटी द्वारा कक्षा ९ एवं १० कृते नूतनानि भाषा-पाठ्यपुस्तकानि अद्यापि न प्रकाशितानि। तस्य मतम् अस्ति यत् एषः निर्णयः शैक्षणिक-दृष्ट्या निराधारः अस्ति तथा लक्षश: छात्राणां भविष्यं प्रभावितं करिष्यति।
तेन आरोपितं यत् शिक्षा-मन्त्रालयः तथा स्वायत्त-संस्थाः शिक्षा-विशेषज्ञानां परामर्शस्य स्थाने राजनैतिक-विषयानुसारं कार्यं कुर्वन्ति। अन्ते तेन उक्तं यत् उत्तरदायित्वस्य विषये सीबीएसई-अधिकारीणः पदच्युताः क्रियन्ते, अतः शिक्षा-मन्त्रिणः अपि त्यागपत्रं दातव्यम् इति।
Hindusthan Samachar / Divya Ranjan