नवदेहली, ०४ जूनमासः (हि.स.)। कांग्रेस-पक्षः केन्द्र-सर्वकारेण महिलानां बालकानां च स्वास्थ्य-पोषण-सम्बद्धानां आवश्यकतानां अवहेलनं कृतम् इति आरोपितवान्।

कांग्रेस-दलस्य अध्यक्षः मल्लिकार्जुन खरगे गुरुवासरे उक्तवान् यत् सर्वकारः राष्ट्रिय-परिवार-स्वास्थ्य-सर्वेक्षण-६ (एन.एफ.एच.एस.-६) इत्यस्य महत्त्वपूर्णान् दत्तांशान्, ये तस्याः विफलतां प्रकाशयन्ति, जानन् अपि गोपयति।

खरगे वर्यः एक्स-माध्यमे उक्तवान् यत् एन.एफ.एच.एस.-६ इत्यस्य दत्तांशः केन्द्र-सर्वकारस्य अकार्यक्षमतां स्पष्टतया दर्शयति। तस्य अनुसारं पञ्चसु बालकेषु एकः तीव्र-कुपोषणेन पीडितः अस्ति, एकतृतीयांशः बालकाः अल्प-भारयुक्ताः सन्ति, तथा षट्-मासतः त्रयोविंशति-मासपर्यन्तं बालकेषु ८४ प्रतिशतं बालकाः पर्याप्तं पोषणं न प्राप्नुवन्ति।

तथा १५-तः ४९ वयसः महिलासु प्रायः ५७ प्रतिशतं महिलाः रक्ताल्पतया (एनीमिया) ग्रस्ताः सन्ति, तथा पञ्चसु मध्ये एका महिला कुपोषिता अस्ति। सः अवदत् यत् सर्वकारः चयनात्मक-दत्तांश-प्रदर्शनं तथा प्रचार-प्रधानतां अवलम्बते, येन वास्तविक-स्थितिः न प्रकाश्यते।

Hindusthan Samachar / Divya Ranjan