Enter your Email Address to subscribe to our newsletters
जयपुरनगरम्, ०४ जूनमासः (हि.स.)। मुख्य-सचिवः वी. श्रीनिवासः उक्तवान् यत् विकसित-भारतस्य संकल्पस्य साकारीकरणाय सर्वैः विभागैः समयबद्धतया, समन्वयेन प्रतिबद्धतया च कार्यं करणीयम्। तेन अधिकारिभ्यः लम्बितानि प्रक्रियाधीनानि च कार्याणि मिशन-मोडेन शीघ्रं सम्पादयितुं निर्देशाः प्रदत्ताः।
मुख्य-सचिवः गुरुवासरे शासन-सचिवालये आयोजितां एकादशीं शासी-परिषदः (गवर्निङ्ग्-काउन्सिल्) आगामि-सभायाः सज्जतासम्बद्धां तथा दिसम्बर-२०२५ मासे आयोजितात् मुख्य-सचिवानां पञ्चम-राष्ट्रीय-सम्मेलनात् सम्बद्धानाम् कार्य-बिन्दूनां (एक्शन-पॉइण्ट्स्) मध्यावधि-समीक्षार्थम् आयोजितां उच्च-स्तरीय-पूर्व-समीक्षा-सभाम् सम्बोधितवान्।
सभायां सः अवदत् यत् ‘विकसित-भारत’ इत्यस्य परिकल्पनायाः साकारीकरणे मानव-संसाधन-विकासस्य (ह्यूमन-कैपिटल-डेवलपमेण्ट्) अत्यन्तं महत्त्वपूर्णा भूमिका अस्ति। राज्य-सर्वकारेण एषा विषयवस्तु सर्वोच्च-प्राथमिकतासु समावेशिता अस्ति। अतः सर्वैः विभागैः निर्धारित-लक्ष्य-प्राप्त्यर्थं समन्वित-प्रयत्नाः करणीयाः।
समीक्षा-सभायां मुख्य-सचिवेन विविध-विभागैः कृतानां कार्याणां तथा कार्य-बिन्दूनां प्रगतेः विस्तृत-मूल्याङ्कनं कृतम्। तेन तेषां विभागानां प्रशंसा कृता ये निर्धारित-मानकानुरूपं उत्कृष्टं कार्यं कृतवन्तः। सहैव तेन अधिकारिणः निर्देशिताः यत् ये कार्याणि अद्यापि प्रक्रियाधीनानि सन्ति अथवा येषां प्रगतिः अपेक्षया मन्दगत्या वर्तते, तानि मिशन-मोडेन प्राथमिकतया सम्पादनीयानि, येन निर्धारित-समयसीमायाः अन्तर्गतं सर्वेषां लक्ष्याणां प्राप्तिः सुनिश्चितीकर्तुं शक्येत।
मुख्य-सचिवः अवदत् यत् राज्यस्य समग्र-बहुमुख-विकासाय विभागानां मध्ये उत्तमः समन्वयः योजनानां प्रभावी-कार्यान्वयनं च आवश्यकम्। मानव-संसाधन-विकासस्य, नवाचारस्य तथा सुशासनस्य सुदृढीकरणेन एव विकसित-राजस्थानस्य विकसित-भारतस्य च लक्ष्यं शीघ्रतया साधयितुं शक्यते।
अस्मिन् सभायां विविध-विभागानां अतिरिक्त-मुख्य-सचिवाः, प्रमुख-शासन-सचिवाः, शासन-सचिवाः, राजस्थान-इन्स्टिट्यूट्-फॉर्-ट्रान्सफॉर्मेशन्-एण्ड्-इनोवेशन् (रीति) इत्यस्य मुख्य-कार्यकारी-अधिकारी तथा अन्ये वरिष्ठ-अधिकारिणः उपस्थिताः आसन्।
Hindusthan Samachar / Divya Ranjan