नर्मदापुरम्, 04 जूनमासः (हि.स.)।मध्यप्रदेशस्य नर्मदापुरमजनपदस्य रैसलपुरग्रामपञ्चायत् ग्रामीणविकासस्य उत्कृष्टम् उदाहरणं प्रदर्श्य आत्मनिर्भरपञ्चायतिरूपेण स्वकीयां विशिष्टपहचानं निर्मितवती। पञ्चायत्या विकासकार्याणां कृते केवलं शासकीयानुदानेषु निर्भरता न कृता, अपितु स्वकीयायाः आयायाः तथा करवसूल्याः प्राप्तधनराशेः उपयोगं कृत्वा ग्रामे बहूनि जनहितकारिणि निर्माणकार्याणि सम्पन्नानि।

पञ्चायत्या प्रभाविकरसङ्ग्रहणेन ग्रामवासिनां सहभागितया च सङ्गृहीतधनराश्या ग्रामे भव्यस्वागतद्वारस्य निर्माणं कारितम्। तेन सह यात्रिकाणां ग्रामवासिनां च सुविधार्थम् आधुनिकविश्रामभवनम् अपि निर्मितम्। पर्यावरणसंरक्षणस्य प्रोत्साहनार्थं पञ्चायतिक्षेत्रे व्यापकस्तरे वृक्षारोपणम् अपि कृतम्, येन ग्रामस्य हरितिमा सौन्दर्यं च उल्लेखनीयतया वर्धितम् अस्ति।

ग्रामपञ्चायत्याः अस्याः सफलतायाः पृष्ठे सरपञ्चा मालतीझाल्या, सचिवः सुरेन्द्रसिंहचौहानः तथा ग्रामरोजगारसहायकः देवेन्द्रकेवटः इत्येषां सक्रियभूमिका आसीत्। एतेषां नेतृत्वे पञ्चायत्या शतप्रतिशतकरसङ्ग्रहणं सुनिश्चितं कृतम् तथा च प्राप्तधनराशेः उपयोगः पूर्णपारदर्शितया विकासकार्येषु कृतः।

ग्रामवासिनः वदन्ति यत् यदा करप्राप्तधनराशेः उपयोगः ग्रामविकासे, सौन्दर्यीकरणे तथा सुविधाविस्तारे दृश्यते तदा जनानां मध्ये समये करप्रदानस्य उत्तरदायित्वबोधः जागरूकता च वर्धते। एतदेव कारणम् अस्ति यत् पञ्चायत्यै करसङ्ग्रहणे व्यापकः जनसहयोगः प्राप्तः।

अद्य रैसलपुरग्रामपञ्चायत् स्वकीयसंसाधनैः निर्मितस्वागतद्वारस्य, विश्रामभवनस्य तथा शताधिकवृक्षारोपणस्य कारणात् जनपदस्य सुन्दरासु सुव्यवस्थितासु च पञ्चायतीषु गण्यते। स्थानीयसंसाधनानां प्रभावीउपयोगेन जनसहभागितायाः च आधारेण विकासस्य एतत् प्रतिमानम् अन्यासां ग्रामपञ्चायतीनां कृते अपि प्रेरणाकेन्द्रं भवति।

Hindusthan Samachar / Dheeraj Maithani