Enter your Email Address to subscribe to our newsletters
रायपुरम्, 04 जूनमासः (हि.स.)।छत्तीसगढराज्ये त्रिस्तरीयपञ्चायतानां नगरीयनिकायानां च सामान्योपनिर्वाचनानां परिणामाः अद्य, ४ जून २०२६ तमे दिने घोषिताः भविष्यन्ति। छत्तीसगढराज्यनिर्वाचनायोगस्य निर्देशानुसारं प्रातःकालात् एव मतगणना आरब्धा अस्ति।
अनेन निर्वाचनेन राज्यस्य १३१० रिक्तपदेषु प्रतिस्पर्धमानानां अभ्यर्थिनां भाग्यनिर्णयः भविष्यति। एतेषां पदानां कृते १ जून २०२६ तमे दिने शान्तिपूर्णरीत्या मतदानं सम्पन्नम् आसीत्।
प्रातःकालात् मतगणना आरभ्यते, तेन सहैव ५ नगरीयनिकायाध्यक्षपदानि, ७१ पार्षदपदानि, १० जनपदपञ्चायतसदस्यपदानि, ३४ सरपञ्चपदानि तथा १०७ पञ्चपदानि प्रति निर्वाचनस्पर्धायां स्थितानां प्रत्याशिनां भाग्यनिर्णयः क्रमशः प्रकाशं गन्तुं आरभिष्यति।
मतानां गणना प्रदेशस्य १३ निर्दिष्टेषु मतगणनाकेन्द्रेषु क्रियते, यत्र मतगणनाकार्यस्य सम्यक्सम्पादनार्थं ३९५ अधिकारीणः कर्मचारीणश्च नियुक्ताः सन्ति।
राज्यनिर्वाचनायोगेन मे मासे नगरीयनिकायानां त्रिस्तरीयपञ्चायतानां च उपनिर्वाचनकार्यक्रमः घोषितः आसीत्। अधिसूचनायाः प्रकाशनानन्तरं नामनिर्देशनम्, परीक्षणम् तथा नामप्रत्याहरणस्य प्रक्रिया सम्पन्ना। ततः परं १ जून तमे दिने मतदानं सम्पन्नं कारितम्, अद्य तु अर्थात् ४ जून तमे दिने मतगणना कृत्वा परिणामाः घोषिताः भविष्यन्ति।
नगरीयनिकायनिर्वाचने कुलतः ५ अध्यक्षपदानां तथा ७१ पार्षदपदानां कृते मतदानं सम्पन्नम् आसीत्। एतेषु नवनिर्मितनगरपञ्चायतीनां निर्वाचनमपि समाविष्टम् अस्ति। राजनान्दगांवजनपदस्य घुमका, जांजगीर-चाम्पाजनपदस्य बम्हनीडीह, सूरजपुरजनपदस्य शिवानन्दनपुर तथा बलौदजनपदस्य पलारी नगरपञ्चायतीनां परिणामेषु विशेषा दृष्टिः भविष्यति। एतेषु क्षेत्रेषु प्रथमवारं स्थानीयजनप्रतिनिधिनिर्वाचनस्य विषये मतदातृषु विशेषः उत्साहः दृष्टः आसीत्।
पञ्चायतनिर्वाचने १० जनपदपञ्चायतसदस्यपदानि, ३४ सरपञ्चपदानि तथा १०७ पञ्चपदानि कृते मतदानं सम्पन्नम् आसीत्। १ जून तमे दिने सम्पन्ने मतेदाने मतदातारः उत्साहपूर्वकं सहभागित्वं कृतवन्तः। नगरीयनिकायनिर्वाचने ३१,९२८ मतदातृषु २७,००६ मतदातारः मतदानं कृतवन्तः, येन ८४.५८ प्रतिशतमतदानं अभिलिखितम्। तथा च पञ्चायतनिर्वाचने १,०२,७९७ मतदातृषु ७९,९६८ जनाः मतदानं कृतवन्तः, येन ७८.६१ प्रतिशतमतदानं अभिलेखितम्।
मतदानार्थं नगरीयनिकायक्षेत्रेषु ९६ तथा पञ्चायतक्षेत्रेषु २७४ मतदानकेन्द्राणि स्थापितानि आसन्। राज्यनिर्वाचनायुक्तः अजयसिंहः मतदानप्रक्रियां पूर्णतया शान्तिपूर्णाम् इति उक्तवान्।
Hindusthan Samachar / Dheeraj Maithani