Enter your Email Address to subscribe to our newsletters
टिहरी-गढ़वालनगरम्, ०४ जूनमासः (हि.स.)। मुख्य-सचिवः आनंदबर्धन: गुरुवासरे जनपद-टिहरी-गढ़वालस्य तपोवन-स्थितस्य बजरंग-सेतो: तथा नरेंद्रनगर-विकासखण्डस्य प्लास्डा-स्थितं हिलान्स-हिमालयन-भोजनालयं स्थलीय-निरीक्षणार्थं गत्वा विकास-कार्याणां तथा स्थानीय-आजीविका-गतिविधीनां समीक्षां कृतवान्।
निरीक्षणकाले लोक-निर्माण-विभागस्य मुख्य-अभियन्ता ओम-प्रकाशः बजरंग-सेतोः अभियांत्रिक-रचना, तकनीकी-विशेषताः तथा निर्माण-प्रगतिं विषये मुख्य-सचिवं अवगतवान्। मुख्य-सचिवेन परियोजनायाः सुरक्षा-मानकानां तथा निर्माण-गुणवत्तायाः समीक्षां कृत्वा आवश्यकाः निर्देशाः दत्ताः।
ततः सः प्लास्डा-स्थितं हिलान्सहिमालयन-भोजनालयं निरीक्षितवान्। भोजनालय-सञ्चालिका बीना-पुंडीर इत्यनया दैनिक-ग्राहक-संख्या, विक्रयः तथा परियोजनायाः वित्तीय-सहयोग-विषये विवरणं प्रस्तुतवती। तेन सूचितं यत् इकायाः कृते रीप-परियोजनायाः अन्तर्गतं षट्-लक्ष-रूप्यकाणि, धनागार-ऋणरूपेण त्रि-लक्ष-रूप्यकाणि तथा सीएलएफ-माध्यमेन एक-लक्ष-रूप्यकाणि वित्तीय-सहायता प्राप्ता अस्ति।
मुख्य-सचिवेन भोजनालय-परिसरस्य समीपे व्यापक-वनरोपणं कर्तुं तथा मेनू-पट्टिकां स्पष्टतया आकर्षकरूपेण प्रदर्शयितुं निर्देशः दत्तः, येन पर्यटकानां आगन्तुकानां च सुविधा वर्धेत। तेन उक्तं यत् पर्यटन-स्थानीय-आजीविका-सम्बद्धाः एतादृशाः प्रयासाः अधिक-सशक्ताः कृत्वा क्षेत्रीय-विकासः नूतनां गतिं प्राप्स्यति।
अस्मिन् अवसरे सचिवः डॉ.पंकज-कुमार-पाण्डेयः, जिलाधिकारी नितिका-खण्डेलवालः, एसएसपी श्वेता-चौबे, तपोवन-नगर-पञ्चायत-अध्यक्षः विनीता-बिष्टः, एसडीएम नरेंद्रनगर: आशीष-घिडियालः तथा विभिन्न-विभागीय-अधिकारिणः उपस्थिताः आसन्।
Hindusthan Samachar / Divya Ranjan