रायपुरम्, 04 जून (हि.स.)।

कृषिक्षेत्रे आधुनिकप्रौद्योगिकीभिः नवाचारैश्च सह कार्यं कृत्वा प्रदेशस्य कृषकाः श्रेष्ठम् उत्पादनं प्राप्नुवन्ति। अनेन मृत्तिकायाः गुणवत्ता वर्धते तथा पर्यावरणसंरक्षणमपि भवति। कांकेरजिलस्य चारामाविकासखण्डस्य तेलगराग्रामस्य कृषकः बाबूलालसाहू नैनोडीएपी तथा नैनोयूरिया इत्येतयोः उपयोगेन न्यूनव्ययेन अधिकोत्पादनं प्राप्तवान्।

बाबूलालसाहोः समीपे प्रायः सप्तएकडपरिमिता कृषिभूमिः अस्ति, यत्र सः बहुवर्षेभ्यः धानस्य कृषिं करोति। सः पूर्वं परम्परागतानां रासायनिकउर्वरकाणां यथा यूरिया तथा डीएपी इत्येतयोः उपयोगं करोति स्म। गतैकवर्षात् सः नैनोडीएपी तथा नैनोयूरिया इत्येतयोः उपयोगं प्रारब्धवान्, यस्य सकारात्मकाः परिणामाः तेन दृष्टाः। तेन उक्तं यत् पूर्वं तस्य कृषिफलस्य औसतउत्पादनं प्रतिएकडं प्रायः अष्टादशक्विण्टलपरिमितम् आसीत्, किन्तु नैनोउर्वरकाणां सन्तुलितप्रयोगानन्तरं उत्पादनं वर्धित्वा प्रतिएकडं प्रायः विंशतिक्विण्टलपरिमितं जातम्। अनेन न केवलं तस्य आयवृद्धिः अभवत्, अपितु उर्वरकाणाम् आवश्यकता अपि न्यूना जाता।

साहू उक्तवान् यत् नैनोउर्वरकाणां प्रयोगेण कृषिफलोत्पादने वृद्धिः अभवत् तथा मृत्तिकायाः गुणवत्ता उर्वरता च संरक्षितुं साहाय्यं प्राप्यते। अल्पमात्रया अधिकप्रभावं ददति एते उर्वरकाः कृषकाणां कृते लाभप्रदाः सिद्धाः भवन्ति। आधुनिककृषिप्रौद्योगिकीस्वीकारेण उत्पादनम् आयश्च उभयम् वर्धयितुं शक्यते। तेन अन्येभ्यः कृषकेभ्यः अपि नैनोडीएपी तथा नैनोयूरिया इत्येतयोः उपयोगस्य परामर्शः प्रदत्तः।

---------------

Hindusthan Samachar / Dheeraj Maithani