Enter your Email Address to subscribe to our newsletters
जयपुरनगरम्, ०४ जूनमासः (हि.स.)। जनपदे निर्धारितमानकानां आधारेण चयनितेषु ग्रामेषु जनपद-प्रशासनस्य, जन-स्वास्थ्य-अभियांत्रिकी-विभागस्य (पीएचईडी), सांसदानां विधायकानां च तैः नामनिर्दिष्टप्रतिनिधिभिः सह संयुक्त-दलेन जल-जीवन-अभियान-अन्तर्गतं सञ्चालितानां कार्याणां गहन-निरीक्षणं क्रियते।
जिला-कलक्टरः जयपुर-नगरस्य संदेश-नायकः इत्यस्य निर्देशानुसारं संयुक्त-निरीक्षणकाले पेयजल-योजनानां प्रगतेः, गृहेषु नल-सम्बन्धानां स्थितेः, जलापूर्तेः गुणवत्ता-नियमितयोः तथा च जनसामान्याय प्राप्तलाभानां विस्तृत-मूल्याङ्कनं कृतम्। निरीक्षण-दलेन ग्रामीणजनैः तथा जनप्रतिनिधिभिः सह संवादः स्थापितः, तेषां समस्याः, विचारा: अपेक्षाश्च ज्ञाताः।
जनपद-उपायुक्त: उक्तवान् यत् अस्य अभियानस्य अन्तर्गतं जयपुर-ग्रामीण-क्षेत्रस्य झोटवाडा, जोबनेर, आमेर, गोविन्दगढ, सांभर, किशनगढ-रेनवाल, फागी, सांगानेर, चाकसू, बस्सी, जालसू, आंधी, जमवारामगढ, मौजमाबाद, दूदू, कोटखावदा, तुंगा, माधोराजपुरा तथा शाहपुरा-खण्डानां कुलं चत्वारिंशत् जल-योजनानां निरीक्षणं प्रस्तावितम् अस्ति।
एतेषु ०३ जून २०२६ पर्यन्तं एकविंशतिः त्रयोविंशतिः जल-योजनानां निरीक्षणं सम्पन्नम्, अवशिष्टानां सप्तदश-योजनानां निरीक्षणं आगामी-दिनेषु भविष्यति। अभियानकाले सीकर-सांसदः अमररामः, चौमूं-विधायिका शिखा मील बराला तथा पूर्व-फुलेरा-विधायकः निर्मल-कुमावतः अपि ग्रामेषु भ्रमणं कृत्वा पेयजल-व्यवस्थानां निरीक्षणं कृतवन्तः तथा आवश्यकान् विचारान् दत्तवन्तः।
संयुक्त-निरीक्षण-दलेन विभिन्न-स्थानेषु भ्रमणं कृत्वा कार्याणां गुणवत्ता-प्रगतेः समीक्षा कृता। यत्र आवश्यकम् आसीत्, तत्र सुधारात्मक-कार्यवाह्याः कृते सम्बन्धित-अधिकारिणः निर्देशिताः।
निरीक्षणात् प्राप्तानां विचाराणां तथा क्षेत्र-स्तरीय-अवलोकित-दोषाणां आधारेण एकः “जनपद-सुधार-योजना”निर्मीयते, येन जल-जीवन-अभियान-अन्तर्गत-सेवाः अधिक-प्रभाविण्यः, गुणवत्तायुक्ताः तथा जनहितकराः भवन्ति।
उपायुक्त: अवदत् यत् एतादृशानि निरीक्षण-समिक्षा-अभियानानि भविष्येऽपि निरन्तरं प्रचलिष्यन्ति, तथा प्राप्तविचराणं आधारतः आवश्यक-सुधारात्मक-कार्याणि प्राथमिकतया क्रियन्ते। सः उक्तवान् यत् ग्रामीण-क्षेत्रेषु सुरक्षितं, गुणवत्तायुक्तं च निर्बाधं पेयजलं प्रदातुं जनपद-प्रशासनस्य सर्वोच्चा प्राथमिकता अस्ति, तथा जल-जीवन-अभियानस्य उद्देश्यानां प्रभावी-प्राप्त्यर्थं सतत-निरीक्षणं नियमित-अनुवर्तनं च सुनिश्चितं भविष्यति।
Hindusthan Samachar / Divya Ranjan