जमशेदपुरम्, 04 जूनमासः (हि.स.)।विश्वपर्यावरणसप्ताहस्य २०२६ तमवर्षस्य अन्तर्गतं गुरुवासरे जमशेदपुरवनप्रमण्डलस्य एलिफेण्टप्रोजेक्ट् जमशेदपुरस्य च संयुक्ततत्त्वावधाने सोनारीदोमुहानीक्षेत्रे व्यापकः स्वच्छताअभियानः नदीस्वच्छताअभियानश्च सञ्चालितः।

स्वच्छा नदी स्वस्थं पर्यावरणम् इति विषयाधारितस्य अस्य अभियानस्य उद्देश्यं पर्यावरणसंरक्षणस्य प्रति जनान् जागरूकान् कर्तुम् तथा प्राकृतिकस्थलानां पर्यटनस्थलानां च स्वच्छतां प्रदूषणमुक्ततां च सुनिश्चितुं जनसहभागितायाः प्रोत्साहनं कर्तुम् आसीत्।

अभियाने वनविभागस्य अधिकारिणः कर्मचारीणश्च अतिरिक्तं विभिन्नशिक्षणसंस्थानानां छात्राः छात्राश्च, सामाजिकसङ्गठनानि, स्वयंसेवीसंस्थाः तथा स्थानीयनागरिकाः उत्साहेन सहभागित्वं कृतवन्तः। प्रातःकालादेव बहुसंख्यकाः प्रतिभागिनः सोनारीदोमुहानीक्षेत्रम् आगत्य नदीतटे तथा समीपवर्तिषु क्षेत्रेषु प्रसृतानि प्लास्टिकद्रव्याणि, पालीथीनपत्राणि, बोतलकानि तथा अन्यान्यपशिष्टपदार्थान् सङ्गृह्य स्वच्छताकार्यं कृतवन्तः। अभियानस्य समये जनाः अपि अवगताः कृताः यत् प्लास्टिककचरेण नद्यः जलस्रोतांसि च कथं प्रदूष्यन्ते तथा तस्य जैवविविधतायाः मानवस्वास्थ्यस्य च उपरि के दुष्प्रभावाः भवन्ति।

अस्मिन् अवसरे जमशेदपुरवनप्रमण्डलस्य डीएफओ सबा आलम उक्तवती यत् नद्यः केवलं जलस्य स्रोतः न सन्ति अपितु पर्यावरणीयसन्तुलनस्य आधारशिला अपि सन्ति। यदि जलस्रोतांसि स्वच्छानि भविष्यन्ति तर्हि पर्यावरणम् अपि स्वस्थं भविष्यति। तया उक्तं यत् नदीनां जलाशयानां च मध्ये कचरस्य क्षेपणप्रवृत्तेः निरोधनस्य आवश्यकता वर्तते तथा एतदर्थं जनसहयोगः सर्वाधिकमहत्त्वपूर्णः अस्ति। तया जनान् प्रति अपीलं कृतम् यत् ते स्वसमीपवर्तिनां जलस्रोतसां स्वच्छतायां सक्रियभूमिकां निर्वहेयुः तथा पर्यावरणसंरक्षणस्य सन्देशं समाजस्य सर्वेषां वर्गाणां पर्यन्तं प्रापयेयुः।

कार्यक्रमस्य समये वनविभागस्य अधिकारिणः प्रतिभागिभ्यः पर्यावरणसंरक्षणस्य, वन्यजीवसुरक्षायाः, जलसंरक्षणस्य तथा स्वच्छतायाः महत्त्वस्य विषये जानकारीं दत्तवन्तः। सहैव एतदपि उक्तवन्तः यत् प्राकृतिकसंसाधनानां संरक्षणं केवलैः शासकीयप्रयत्नैः सम्भवं नास्ति अपितु तदर्थं सामान्यजनानाम् अपि सहभागिता अनिवार्या अस्ति। अभियाने सम्मिलिताः स्वयंसेवकाः स्वच्छतायाः पर्यावरणसंरक्षणस्य च शपथं गृहीत्वा भविष्ये अपि एतादृशेषु कार्यक्रमेषु सक्रियसहभागितां करिष्यामः इति सङ्कल्पं कृतवन्तः।

वनविभागस्य अधिकारिणः अवदन् यत् विश्वपर्यावरणसप्ताहस्य अवधौ जिल्लायाः विभिन्नक्षेत्रेषु वृक्षारोपणकार्यक्रमाः, जागरूकताराल्यः, स्वच्छताअभियानानि तथा पर्यावरणसंरक्षणसम्बद्धाः अन्ये कार्यक्रमाः आयोज्यन्ते। एताभिः गतिविधिभिः जनानां मध्ये प्रकृतेः प्रति उत्तरदायित्वबोधः जागरयितुं तथा पर्यावरणानुकूलजीवनशैलीं स्वीकर्तुं प्रेरणा प्रदीयते।

आयोजकैः सर्वेषां नागरिकानां प्रति आह्वानं कृतम् यत् ते स्वच्छस्य हरितस्य स्वस्थस्य च पर्यावरणस्य निर्माणे स्वयोगदानं दद्युः तथा प्राकृतिकधरोहराणां संरक्षणं कुर्वन्तु।

---------------

Hindusthan Samachar / Dheeraj Maithani