Enter your Email Address to subscribe to our newsletters
कोलकातानगरम्, ०५ जूनमासः (हि.स.)। बाङ्ग्लादेशे हादी-उस्मान-नामकस्य व्यक्तेः हत्यायां केन्द्रीय-गृहमन्त्रालयस्य कथित-संलिप्ततां सम्बन्ध्य ममता-बनर्जी इत्यनया कृतस्य विवादास्पद-कथनस्य विषये अधुना कोलकाता-आरक्षक-मुख्यालये लालबाजार-कार्यालये अपि तस्याः विरुद्धं सूचनापत्रं प्रस्तुतम् अस्ति। अखिल-भारत-हिन्दू-महासभया एषा सूचना प्रस्तुताः।
गुरुवासरस्य रात्रौ अखिल-भारत-हिन्दू-महासभायाः पक्षतः साइबर-अपराध-शाखायां पूर्व-मुख्यमन्त्रिणः ममता-बनर्जी-विरुद्धं सूचनापत्रं समर्पितम्। सङ्घटनेन तस्याः विरुद्धं विधिनुसारं कठोरां दृष्टान्तस्वरूपां च कार्यवाहीम् अपेक्षितवती।
सङ्घटनस्य प्रदेशाध्यक्षः चन्द्रचूड-गोस्वामी सूचनापत्रे आरोपितवान् यत् गत-मङ्गलवासरे धर्मतल्ला-स्थितात् वाई-चैनल-माध्यमेन प्रदत्तेन वक्तव्येन अन्ताराष्ट्रिय-स्तरे भारतस्य छविः प्रभाविताभवत्। तेन वक्तव्येन पश्चिमबङ्गे सम्पूर्णे देशे च साम्प्रदायिक-सौहार्दस्य प्रभावित-भवितुम् आशङ्का वर्तते। अतः उक्त-वक्तव्यं गम्भीरतया स्वीकृत्य आरक्षक-विभागेन त्वरितं अन्वेषणं करणीयम्।
उल्लेखनीयम् अस्ति यत् ममता-बनर्जी स्वस्या: प्रदर्शन-मञ्चात् उक्तवती यत् बाङ्ग्लादेशे हादी-नामकस्य व्यक्तेः हत्यायाः अनन्तरं हन्तारः भारत-सीमां प्रविश्य पश्चिमबङ्गम् आगतवन्तः, ततः पश्चिमबङ्ग-आरक्षकस्य विशेष-कार्यदलद्वारा ते गृहीताः। सा परोक्षरूपेण अपि सूचितवती यत् केन्द्रीय-गृहमन्त्रालयाय अस्मिन् विषये सम्पूर्णा सूचना आसीत्। अस्मिन् प्रकरणे ममता-बनर्जी-विरुद्धं सिलिगुडी-नगरे पूर्वमेव प्राथमिकी पञ्जीकृता अस्ति।
Hindusthan Samachar / Divya Ranjan