जयपुरम्, 05 जूनमासः (हि.स.)।

राज्यस्य भूतपूर्वमुख्यमन्त्री अशोक गहलोतः विश्वपर्यावरणदिवसस्य अवसरे पर्यावरणसंरक्षणस्य जलवायुपरिवर्तनस्य च विषये चिन्तां प्रकटयन् प्रदेशवासिनः अधिकाधिकं वृक्षारोपणं कर्तुं तथा प्राकृतिकसंसाधनानां संरक्षणस्य सङ्कल्पं स्वीकर्तुम् आह्वानं कृतवान्।

सामाजिकमाध्यममञ्चे एक्स इति माध्यमेन प्रकाशिते स्वसन्देशे गहलोतः उक्तवान् यत् जलवायुपरिवर्तनम् अद्य सम्पूर्णविश्वस्य समक्षं गम्भीरचुनौतीरूपेण स्थितम् अस्ति, यस्य प्रभावः आगामिपीढीभिरपि सोढव्यः भविष्यति। अतः पर्यावरणसंरक्षणं प्राकृतिकसन्तुलनस्य परिपालनं च अस्माकं सर्वेषां सामूहिकदायित्वम् अस्ति।

तेन उक्तं यत् काङ्ग्रेससर्वकारेण सर्वदा विकासस्य प्रकृतेश्च मध्ये सन्तुलनाय प्राधान्यं प्रदत्तम्। स्वकार्यकाले जयपुरनगरं सहित्वा प्रदेशस्य विभिन्नेषु नगरेषु उद्यानानां विकासः कृतः तथा हरितक्षेत्राणां विस्तारः साधितः। एतदतिरिक्तं प्रत्येकस्मिन् जनपदे लवकुशवाटिकानां स्थापना तथा राजस्थाने वनक्षेत्रात् बहिः वृक्षारोपणम् इति योजनायाः माध्यमेन पर्यावरणसंरक्षणस्य दिशि महत्त्वपूर्णानि कार्याणि कृतानि।

गहलोतः विश्वपर्यावरणदिवसस्य अवसरे जनान् अधिकाधिकं पौधारोपणं कर्तुं, जलस्य वनानां भूमेश्च संरक्षणे सक्रियभागितां निर्वोढुं च आहूतवान्। तेन उक्तं यत् अद्य कृताः पर्यावरणसंरक्षणप्रयत्नाः एव आगामिपीढीनां कृते स्वच्छस्य हरितस्य सुरक्षितस्य च भविष्यस्य दृढां आधारशिलां निर्मास्यन्ति।

भूतपूर्वमुख्यमन्त्री स्वसन्देशे प्रकृतेः प्रति उत्तरदायित्वस्य पालनं भविष्यस्य प्रति महान् प्रतिबद्धतारूपेण वर्णयन् पर्यावरणसंरक्षणे जनभागिताम् अत्यावश्यकीम् इति प्रतिपादितवान्।

---------------

Hindusthan Samachar / Dheeraj Maithani