Enter your Email Address to subscribe to our newsletters
नवदिल्ली, 05 जूनमासः (हि.स.)।तमिलनाडुराज्यस्य नेता तथा भूतपूर्वः आईपीएस अधिकारी के. अन्नामलाई भारतीयजनतापक्षेण सह स्वसम्बन्धं पूर्णतया विच्छिन्नवान्। पक्षस्य राष्ट्रियाध्यक्षः नितिन नवीनस्तस्य त्यागपत्रं स्वीकृतवान्। पक्षस्य महासचिवः अरुण सिंह अद्य प्रकाशितायां विज्ञप्तौ एतां सूचनां प्रदत्तवान्।
विज्ञप्तेः अनुसारम् अध्यक्षः नितिन नवीन के. अन्नामलैना पक्षस्य प्राथमिकसदस्यतातः प्रदत्तं त्यागपत्रं स्वीकृतवान्। अन्नामलाई अद्य मध्याह्ने महत्त्वपूर्णां घोषणां कर्तुं शक्नोति। तेन ह्यः एक्स मञ्चे उक्तं यत् सः शुक्रवासरे द्वादशवादने स्वहृदयस्य वचनं प्रकाशितं करिष्यति। मन्यते यत् अन्नामलाई पृथक् मार्गं स्वीकुर्वन् स्वस्य नूतनपक्षस्य घोषणां कर्तुं शक्नोति।
उल्लेखनीयं यत् सः किञ्चित्कालात् भारतीयजनतापक्षात् असन्तुष्टः आसीत्।
एआईएडीएमके इत्यनेन सह स्थानविभाजनविषये असहजतां अनुभवन्तः प्रदेशभाजपाध्यक्षः अन्नामलाई सोमवासरे देहलीनगरम् आगतः आसीत्। मङ्गलवासरे तेन अध्यक्षेन नितिन नवीनेन तथा गृहमन्त्रिणा अमित शाहेन सह मेलनं कृतम्। नितिन नवीनाय तेन पञ्चपृष्ठात्मकं त्यागपत्रं समर्पितम्। बुधवासरे सः वार्तालापस्य प्रतीक्षायाम् आसीत्। पक्षस्य पक्षतः तस्मै किमपि सकारात्मकं सङ्केतं न प्राप्तम्।
---------------