Enter your Email Address to subscribe to our newsletters
नव दिल्ली, 05 जूनमासः (हि.स.)।प्रधानमन्त्री नरेन्द्र मोदी विश्वपर्यावरणदिवसस्य अवसरे अद्य देशवासिभ्यः शुभकामनाः प्रदाय पर्यावरणसंरक्षणाय समर्पितानां सर्वेषां जनानां प्रशंसाम् अकरोत्। तेन उक्तं यत् अयं दिवसः पर्यावरणस्य रक्षणाय सततविकासस्य प्रोत्साहनाय च स्वप्रतिबद्धतां पुनः दृढीकर्तुं अवसरः अस्ति।
प्रधानमन्त्रिकार्यालयस्य अद्य प्रकाशितायाः विज्ञप्तेः अनुसारं तेन उक्तं यत् गतदशवर्षेषु सर्वकारेण कृतैः प्रयत्नैः देशे हरितक्षेत्रस्य विस्तारः अभवत् तथा च अनेकासां वन्यजीवप्रजातीनाम् आबाद्धसंख्यायां वृद्धिः अभिलेखिता। तेन उक्तं यत् भारतस्य जनैः सामूहिकप्रयत्नैः प्रभाविनीभिः नीतिभिः विज्ञाने विश्वासेन नवोन्मेषेण च पर्यावरणसंरक्षणस्य दिशि उल्लेखनीयम् कार्यं प्रदर्शितम्।
तेन उक्तं यत् भारतः स्वस्य समृद्धजैवविविधतायाः विषये गौरवम् अनुभवति। देशस्य विविधाः पारिस्थितिकीतन्त्राणि असंख्याकानां प्रजातीनां कोटिशः जनानां जीविकायाश्च आधारः सन्ति। प्रधानमन्त्री ग्रेट् इण्डियन बस्टर्ड्, हिमतेंदुआ, स्लॉथ् भालू तथा चीतानां संरक्षणार्थं कृतानां प्रयत्नानाम् उल्लेखं कुर्वन् उक्तवान् यत् निरन्तरप्रतिबद्धतया वन्यजीवानां पारिस्थितिकीतन्त्राणां च सफलपुनरुद्धारः सम्भवः अस्ति।
प्रधानमन्त्री मोदी उक्तवान् यत् एकः वृक्षः मातुः नाम्ना इति उपक्रमः प्रतिवर्षं प्रायः १.१९ लक्षहेक्टेयरपरिमितस्य वनक्षेत्रस्य वर्धने महत्त्वपूर्णं योगदानं दत्तवान्। तेन उक्तं यत् एका पृथ्वी एकं कुटुम्बम् एकं भविष्यत् इति सिद्धान्तेन प्रेरितः भारतः मिशन् लाइफ् इत्यस्य भावनानुसारं स्वच्छहरितस्थायिभविष्यतनिर्माणाय निरन्तरं कार्यं करिष्यति।
तेन पर्यावरणसंरक्षणं भारतीयसंस्कृतेः सह सम्बद्धं कुर्वन् एतत् सुभाषितं सामाजीकमाध्यमेषु प्रसारितम्—
मधु वाता ऋतायते मधु क्षरन्ति सिन्धवः।
माध्वीर्नः सन्त्वोषधीः॥
प्रधानमन्त्री उक्तवान् यत् प्रकृतेः संरक्षणं केवलं दायित्वं नास्ति अपितु भारतीयसंस्कृतेः संस्काराणां च मूलसिद्धान्तः अस्ति। अस्य सुभाषितस्य अर्थः अस्ति यत् अस्माकं परितः वहन् वायुः सुखदः कल्याणकारी च भवतु। नद्यः जीवनदायकं जलं प्रददतु। औषधयः वनस्पतयश्च सर्वेषां जीविनां स्वास्थ्यस्य कल्याणस्य च आधाराः भवेयुः।
प्रधानमन्त्री मोदी उक्तवान् यत् अयं सन्देशः प्रकृत्या सह सन्तुलितं सामञ्जस्यपूर्णं च जीवनं यापयितुं भारतीयपरम्परां प्रदर्शयति।
---------------
Hindusthan Samachar / Dheeraj Maithani