Enter your Email Address to subscribe to our newsletters
लखनऊ,05 जूनमासः (हि.स.)।स्थानीयसांसदः रक्षामन्त्री च राजनाथसिंहः शुक्रवासरे लखनऊनगरे अपर्णायादवस्य निवासं गत्वा तस्याः पतिः स्वर्गीयः प्रतीकयादवः इत्यस्य चित्रे पुष्पाञ्जलिम् अर्पयित्वा श्रद्धाञ्जलिम् अददात्। राजनाथसिंहः अपर्णायादवं सान्त्वितवान् तथा तस्याः पुत्रीभ्यां सह अपि संवादम् अकरोत्।
अस्मात् पूर्वं राजनाथसिंहः व्यापारीनेतुः स्वर्गीयस्य अशोकमोतियानी इत्यस्य निवासं गत्वा गोलोकवासी पुण्यात्मने श्रद्धासुमनानि अर्पितवान् तथा तस्य परिवारजनान् मिलित्वा सान्त्वनाम् अददात्।
रक्षामन्त्री राजनाथसिंहः शिवशान्तिआश्रमसाहिबस्य समर्पितसेवाधारिणः पूज्यस्य स्वर्गीयदर्शनलालस्य निवासं गत्वा गोलोकवासी पुण्यात्मने श्रद्धासुमनानि अर्पितवान्।
एतदतिरिक्तं राजनाथसिंहः स्वसांसदीयक्षेत्रे कैण्टविधानसभाक्षेत्रस्य कैण्टमण्डलाध्यक्षायाः रूपादेव्याः पतिनः निधनानन्तरं तस्याः निवासं गत्वा पुण्यात्मने श्रद्धासुमनानि अर्पितवान्।
अस्मिन् अवसरे राजनाथसिंहेन सह उपमुख्यमन्त्री ब्रजेशपाठकः, महापौरा सुषमाखर्कवाल, महानगराध्यक्षः आनन्दद्विवेदी, एमएलसी मुकेशशर्मा, विधायकः ओपीश्रीवास्तवः च उपस्थिताः आसन्।
विश्वपर्यावरणदिवसस्य अवसरे राजनाथसिंहः लखनऊकैण्टोन्मेण्टक्षेत्रे वृक्षारोपणम् अपि अकरोत्।
चौधरीचरणसिंहअन्ताराष्ट्रियविमानपत्तने अवतीर्य उपमुख्यमन्त्री ब्रजेशपाठकः, पूर्वमन्त्री डॉ महेन्द्रसिंहः तथा भाजपामहानगराध्यक्षः आनन्दद्विवेदी इत्यादयः अनेकाः भाजपानेतारः रक्षामन्त्रिणः स्वागतं कृतवन्तः।
महानगरभाजपाध्यक्षस्य आनन्दद्विवेदीस्य अनुसारं राजनाथसिंहः लखनऊनगरे त्रिदिनपर्यन्तं स्थास्यति। सः विधायकस्य डॉ नीरजबोरायाः गृहे प्रवर्तमानां श्रीरामकथाम् अपि श्रोष्यति।
Hindusthan Samachar / Dheeraj Maithani