कठुआ, 05 जूनमासः (हि.स.)।योलस्थिते वेदमन्दिरे प्रचलतोऽष्टसप्ततिदिवसीयस्य चतुर्णां वेदानां यज्ञानुष्ठानस्य पञ्चपञ्चाशत्तमे दिने श्रद्धालवः स्वामिरामस्वरूपजी योगाचार्येण अथर्ववेदस्य गूढज्ञानस्य परिचयं प्राप्तवन्तः।

स्वामिना अथर्ववेदस्य काण्डे चतुर्थे सूक्ते षोडशे उल्लिखितं यत् द्याम् परस्तात् अति सर्पात् इति। अस्य अर्थः यत् यदि कश्चित् मनुष्यः अस्याः पृथिव्याः परं द्युलोकं सूर्यं चन्द्रं तारकाः च अतिक्रम्य गच्छेत्, तथापि सः परमेश्वरस्य बन्धनात् मुक्तः न भवितुम् अर्हति। तेन स्पष्टं कृतं यत् परमेश्वरः अस्मिन् समग्रे ब्रह्माण्डे तस्मात् परे च कणे कणे विद्यमानः अस्ति।

तेन अग्रे उक्तं यत् उक्तस्य सूक्तस्य मन्त्रेषु एके द्वितीये तृतीये च एषः उपदेशः प्रदत्तः अस्ति यत् परमेश्वरः प्रत्येकस्य प्राणिनः कर्माणि अत्यन्तसमीपात् पश्यति। अज्ञानवशात् मनुष्यः मन्यते यत् एकान्ते कृतानि पापकर्माणि कश्चित् न पश्यति, परन्तु सत्यं तु एतत् यत् प्रभुः सर्वं पश्यति। मनुष्यः तिष्ठतु, गच्छतु, कञ्चित् वञ्चयतु अथवा गोपनेन किमपि कर्म करोतु, सर्वं परमेश्वरस्य दृष्टौ भवति।

स्वामिरामस्वरूपजी अवदत् यत् परमेश्वरः मनुष्यस्य प्रत्येकं विचारं, निमेषमात्रं नेत्रपक्ष्मचालनम् अपि जानाति तथा पापकर्मकर्तारं तस्य कर्मानुसारं दण्डयति।

तेन यजुर्वेदस्य मन्त्रं चत्वारिंशत् खण्डस्य प्रथममन्त्रम्उद्धृत्य उक्तं यत् परमेश्वरः चेतनासु जीवात्मासु जडे जगति च अन्तर्बहिश्च सर्वत्र विद्यमानः अस्ति।

तेन उक्तं यत् यदा मनुष्यः वेदसाधनया परमेश्वरस्य एतादृशं स्वरूपं सम्यक् अवगच्छति, तदा सः स्वयमेव पापकर्मभ्यः दूरं गच्छति तथा धर्ममयं जीवनं स्वीकरोति।

अस्मिन् अवसरे बहुसंख्यकाः श्रद्धालवः उपस्थिताः आसन् तथा यज्ञानुष्ठाने सहभागिताम् अकुर्वन्।

---------------

Hindusthan Samachar / Dheeraj Maithani