बीकानेरम्, 05 जूनमासः (हि.स.)।विश्वपर्यावरणदिवसस्य अवसरे शुक्रवासरे जिलापरिषदः बीकानेरस्य मुख्यकार्यकारीअधिकारिणी शैलजापाण्डे कतारियासरस्य भ्रमणं कृत्वा मुख्यमन्त्रीजलस्वावलम्बनअभियानस्य अन्तर्गतं सञ्चालितानां जलसंरक्षणजलसंवर्धनकार्याणाम् अवलोकनम् अकरोत्। तया विभिन्नस्थलेषु गत्वा क्रियमाणानां विकासकार्याणां प्रगतिः, उपयोगिता तथा ग्रामीणक्षेत्रेषु तेषां प्रभावस्य विषये जानकारी गृहीता।

अस्मिन् काले मुख्यकार्यकारीअधिकारिण्या टांका, फार्मपॉण्ड तथा डिग्गीनिर्माणकार्याणां निरीक्षणं कृतम् तथा सम्बद्धाधिकाऱिभ्यः एतेषां कार्याणां वर्तमानस्थितेः लाभार्थिभ्यः च प्राप्यमाणलाभानां विषये विस्तृता सूचना प्राप्ता। तया उक्तं यत् एतानि जलसंरक्षणकार्याणि ग्रामीणक्षेत्रेषु जलोपलब्धतां वर्धयितुं, भूजलस्तरस्य सुधारं कर्तुं तथा कृषिकार्याणि सुदृढानि कर्तुं महत्त्वपूर्णां भूमिकां निर्वहन्ति।

पाण्डे अधिकारिणः निर्देशितवती यत् जलसंरक्षणसम्बद्धकार्याणां गुणवत्ता सुनिश्चितीक्रियेत तथा तेषां दीर्घकालिकपरिपालनस्य विषये विशेषध्यानं दीयेत, येन सामान्यजनाः तेषां अधिकतमं लाभं प्राप्तुं शक्नुयुः। तया उक्तं यत् जलसंरक्षणं केवलं शासकीयकार्यक्रमः नास्ति, अपितु जनसहभागितया सम्बद्धः व्यापकः अभियानः अस्ति, यस्मिन् प्रत्येकस्य नागरिकस्य भूमिका महत्त्वपूर्णा अस्ति।

विश्वपर्यावरणदिवसस्य अवसरे तया ग्रामक्षेत्रे फलप्रदानां वृक्षाणां रोपणम् अपि कृतम् तथा पर्यावरणसंरक्षणस्य सन्देशं दत्त्वा अधिकाधिकवृक्षारोपणं तेषां संरक्षणं च कर्तुम् आह्वानं कृतवती। तया उक्तं यत् जलसंरक्षणं वृक्षारोपणं च परस्परपूरके स्तः तथा सततविकासाय उभे अपि आवश्यके स्तः।

अस्मिन् अवसरे जलग्रहणविकासविभागस्य अधीक्षणअभियन्ता महेशअजाडीवाल सहिताः विभागीयाः अधिकारिणः कर्मचारीणश्च उपस्थिताः आसन्। सर्वे पर्यावरणसंरक्षणस्य जलरक्षणस्य च सङ्कल्पम् अकुर्वन्।

---------------

Hindusthan Samachar / Dheeraj Maithani