शिमलानगरम्, ०५ जूनमासः (हि.स.)। विश्व-पर्यावरण-दिवसस्य अवसरे भारतीय-जनता-पक्ष-हिमाचल-प्रदेशेन अद्यतः प्रदेशव्यापिनः व्यापकस्य वृक्षारोपण-तथा पर्यावरण-संरक्षण-अभियानस्य शुभारम्भः क्रियते। पर्यावरण-संरक्षणाय जनजागरूकतायाः वृद्धेः उद्देश्येन आरभ्यमाणम् एतत् अभियानम् एकस्मिन् दिने न सीमितम्, अपि तु अग्रिम-मासैकं यावत् प्रचलिष्यति, यस्य अन्तर्गतं प्रदेशस्य विविधेषु जनपदेषु, मण्डलेषु च बूथ-स्तरपर्यन्तं सहस्रशः वृक्षाः रोपयिष्यन्ते।

भाजपा-प्रदेश-नेतृत्वं, जनप्रतिनिधयः, पदाधिकारीणश्च प्रदेशस्य विविधेषु क्षेत्रेषु आयोजितेषु वृक्षारोपण-कार्यक्रमेषु भागं गृहीत्वा अभियानाय गतिं दास्यन्ति।

भाजपा-प्रदेश-प्रभारी श्रीकान्त-शर्मा कुल्लू-जनपदस्य बंजार-विधानसभा-क्षेत्रे बजौरा-स्थाने आयोजिते वृक्षारोपण-कार्यक्रमे भागं ग्रहीष्यति। नेता-प्रतिपक्षः जयराम-ठाकुरः सिराज-विधानसभा-क्षेत्रे टांडी-स्थाने वृक्षारोपणं करिष्यति। भाजपा-प्रदेशाध्यक्षः डॉ.राजीव-बिन्दलः नाहन-विधानसभा-क्षेत्रे आयोजिते कार्यक्रमे सहभागं करिष्यति।

भाजपा-संगठन-महामन्त्री सिद्धार्थनः मनाली-तथा मण्डी-विधानसभा-क्षेत्रयोः आयोजितेषु वृक्षारोपण-कार्यक्रमेषु सम्मिलिष्यति। राज्यसभा-सांसदः डॉ. सिकन्दर-कुमारः शिमला-ग्रामीण-विधानसभा-क्षेत्रस्य तारादेवी-स्थाने वृक्षारोपणं करिष्यति, यदा तु भाजपा-प्रदेश-महामन्त्री संजीव-कटवालः शिमला-विधानसभा-क्षेत्रस्य नवबहार-स्थाने आयोजिते कार्यक्रमे वृक्षारोपणं करिष्यति।

भाजपा-पक्षेण प्रदेशस्य सर्वेषां कार्यकर्तॄणां, पदाधिकारिणां, सामान्य-जनानां च अस्मिन् पर्यावरण-संरक्षण-अभियाने उत्साहेन सहभागग्रहणाय आह्वानं कृतम्। पक्षस्य मतम् अस्ति यत् पर्यावरण-संरक्षणं केवलं सरकारी-प्रयत्नैः न सम्भवति, अपि तु समाजस्य प्रत्येकवर्गस्य सक्रिय-सहभागिता तथा सामूहिक-उत्तरदायित्वं आवश्यकम्।

भाजपा पक्षेण संकल्पः व्यक्तः यत् आगामी-पीढीभ्यः स्वच्छं, हरितं, सुरक्षितं च पर्यावरणं प्रदातुं एतत् अभियानं समस्ते प्रदेशे जनआन्दोलनस्य स्वरूपं धारयिष्यति तथा पर्यावरण-संरक्षणस्य विषये व्यापक-जनजागरणस्य माध्यमं भविष्यति।

Hindusthan Samachar / Divya Ranjan