कानपुर देहातम्, 07 जूनमासः (हि. स.)। भारतीयजनतापक्षस्य उत्तरप्रदेशाध्यक्षः पङ्कज चौधरी रविवासरे कानपुरदेहातजनपदस्य प्रवासे आगच्छत्। अस्मिन् काले तेन संगठनात्मककार्यक्रमेषु सहभागित्वं कृतम् तथा पक्षपदाधिकारिभिः कार्यकर्तृभिः सह च उपवेशनं कृत्वा आगामिनिर्वाचनानां सज्जतायाः समीक्षा कृता।

जनपदम् आगत्य प्रदेशाध्यक्षः प्रथमं राष्ट्रीयस्वयंसेवकसंघस्य वरिष्ठपदाधिकारी रज्जन लाल मिश्रमहोदयस्य निवासम् आगत्य शिष्टाचारभेटां कृतवान् तथा तस्य कुशलक्षेमं पृष्टवान्। अस्मिन् अवसरे भारतीयजनतापक्षस्य क्षेत्रीयाध्यक्षः प्रकाश पाल, राज्यमन्त्री प्रतिभा शुक्ला, स्थानीयविधायकाः, सांसदाः तथा अन्ये वरिष्ठनेतारः उपस्थिताः आसन्।

ततः परं पङ्कज चौधरी भारतीयजनतापक्षस्य कार्यालयम् आगच्छत्, यत्र तेन संगठनस्य पदाधिकारिभिः कार्यकर्तृभिः च सह उपवेशनं कृतम्। उपवेशने मतदानकेन्द्रस्तरपर्यन्तं संगठनस्य सुदृढीकरणं, केन्द्रप्रदेशसर्वकारयोः जनकल्याणकारीयोजनानां सामान्यजनान् प्रति प्रसारणम् तथा आगामिनिर्वाचनानां रणनीतेः विषये चर्चा कृता। तेन कार्यकर्तारः सम्पूर्णेन ऊर्जया समर्पणेन च निर्वाचनसज्जतासु संलग्नाः भवितुम् आहूताः।

स्वप्रवासकाले प्रदेशाध्यक्षः पङ्कज चौधरी भोगनीपुरे आयोजिते एकस्मिन् कार्यक्रमे अपि सहभागित्वं कृतवान्। भारतीयजनतापक्षस्य कार्यकर्तॄणां मतम् अस्ति यत् तस्य प्रवासेन संगठनाय नूतना ऊर्जा तथा आगामिनिर्वाचनसज्जताभ्यः गतिः प्राप्स्यते।

माध्यमप्रतिनिधिभिः सह संवादकाले पङ्कज चौधरी उक्तवान् यत् २०२४ तमे लोकसभानिर्वाचने समाजवादीपक्षेण जनाः भ्रमिताः कर्तुं प्रयत्नः कृतः आसीत्, किन्तु अधुना सत्यं जनानां समक्षम् आगतम् अस्ति। तेन दावः कृतः यत् समीपकाले विभिन्नेषु राज्येषु सम्पन्नेषु निर्वाचनेषु भारतीयजनतापक्षस्य विजयः अस्य प्रमाणम् अस्ति।

इण्डिया गठबन्धनस्य विषये टिप्पणीं कुर्वन् सः उक्तवान् यत् गठबन्धनस्य घटकदलेषु परस्परविश्वासस्य स्थैर्यस्य च अभावः अस्ति। तेन उक्तं यत् काङ्ग्रेसपक्षस्य डीएमकेपक्षस्य च दशकैः प्राचीनः सम्बन्धः आसीत्, किन्तु राजनैतिकपरिस्थितिषु परिवर्तितासु सहयोगिदलैः दूरीकृतम्। तेन पश्चिमबङ्गराज्यस्य झारखण्डराज्यस्य च राजनैतिकस्थितेः अपि उल्लेखः कृतः तथा उक्तं यत् अधुना इण्डिया गठबन्धनस्य किमपि विशेषमहत्त्वं न अवशिष्टम्।--------------

Hindusthan Samachar / Dheeraj Maithani