Enter your Email Address to subscribe to our newsletters
रायपुरम्, ०७ जूनमासः (हि.स.)। मध्यप्रदेश-शासनस्य पृष्ठ-वर्ग-अल्पसंख्यक-कल्याण-विमुक्त-घुमन्तु-अर्धघुमन्तु-कल्याण-विभागस्य राज्यमन्त्री (स्वतन्त्र-प्रभारयुक्ता) तथा भारतीय-जनता-पक्षस्य पृष्ठ-वर्ग-मोर्चायाः राष्ट्रीय-उपाध्यक्षा कृष्णा-गौर-महोदया अद्य रविवासरे छत्तीसगढ-राज्यस्य राजधानी-रायपुरस्य प्रवासे भविष्यति।
भाजपा-पृष्ठ-वर्ग-मोर्चायाः प्रदेशाध्यक्षः अशोक-साहू-महोदयः अवदत् यत् मध्यप्रदेशस्य राज्यमन्त्री गौर-महोदया निर्धारित-कार्यक्रमानुसारम् अद्य अपराह्णे २:२५ वादने रायपुरं प्राप्स्यति। ततः अपराह्णे ४ वादने भाजपा-पृष्ठ-वर्ग-मोर्चा-छत्तीसगढस्य प्रदेश-पदाधिकारिणां सभायां सहभागं करिष्यति।
तत्र सा सङ्घटनात्मक-विषयेषु, पृष्ठ-वर्ग-समाजस्य सशक्तीकरणे तथा अग्रिम-कार्यक्रमेषु मार्गदर्शनं प्रदास्यति। अस्यां सभायां प्रदेशाध्यक्षः, प्रदेश-पदाधिकारीणः, जनपदाध्यक्षाः तथा प्रमुख-कार्यकर्तारः उपस्थिताः भविष्यन्ति।
सभायां सङ्घटन-विस्तारस्य, केन्द्र-राज्य-शासनयोः जनकल्याणकारी-योजनानां प्रभावी-क्रियान्वयनस्य तथा पृष्ठ-वर्ग-समाजस्य हितसम्बद्ध-विषयाणां विषये विस्तृत-चर्चा भविष्यति।
Hindusthan Samachar / Divya Ranjan