बलौदाविपणम्, ०७ जूनमासः (हि. स.)। विश्व-द्विचक्रिका-दिवसस्य अवसरं दृष्ट्वा अद्य रविवासरे “फिट-इण्डिया-मूवमेण्ट”-अन्तर्गतं बलौदाबाजार-नगर्यां भव्यं द्विचक्रिका-शोभायात्राया: आयोजनं कृतम्।

कार्यक्रमस्य प्रारम्भः योग-भवनात् अभवत्, यत्र वरिष्ठ-भारत-स्काउट-गाइड-राज्य-उपाध्यक्षः विजय-केशरवानी, पार्षदः जितेन्द्र-डड़सेना तथा वरिष्ठ-नागरिकः जयनारायण-केशरवानी च हरित-ध्वजं दर्शयित्वा शोभायात्राया: शुभारम्भं कृतवन्तः।

स्वास्थ्य-सौष्ठवस्य, पर्यावरण-संरक्षणस्य तथा स्वास्थ्य-प्रति-जागरूकतायाः च सन्देशं वहन्ती एषा शोभायात्रा योग-भवनात् प्रस्थानं कृत्वा ज्ञान-गङ्गा-विद्यालयमार्गेण गत्वा पुनः योग-भवने समापनं प्राप्तवती। अस्यां शोभायात्रायां जनपदे युवानः महता उत्साहेन सहभागं कृतवन्तः।

शोभायात्राया: समापनानन्तरं योग-भवने एव आयोजिते जनपद-स्तरीय-ग्रीष्मकालीन-प्रशिक्षण-शिविरे विविध-विधासु प्रशिक्षिताः बालकाः स्वप्रतिभायाः उत्कृष्टं प्रदर्शनं कृतवन्तः, यत्र मलखम्ब-क्रीडकैः प्रदर्शितानि आश्चर्यजनकानि साहसिक-प्रयोगाः प्रमुखं आकर्षणं अभवन्। तेषां संतुलन-नैपुण्यं दृष्ट्वा उपस्थिताः अतिथयः दर्शकाः च करतलध्वनिभिः उत्साहं दत्तवन्तः।

कार्यक्रमे शिविर-भागिनः उत्कृष्ट-प्रदर्शनार्थं प्रमाणपत्रैः पुरस्कारैः च सम्मानिताः। अन्ते सामाजिक-उत्तरदायित्वस्य भावेन सर्वे उपस्थिताः अतिथयः, प्रशिक्षकाः तथा प्रतिभागिनः जल-संरक्षणस्य सामूहिक-शपथं गृहीत्वा जलरक्षणस्य संकल्पं कृतवन्तः।

अस्मिन् अवसरे मुख्य-नगरपालिका-अधिकारी तथा क्रीडा-अधिकारी प्रीति-बंछोर इत्यनया सह अन्ये अधिकारीणः बहुसंख्यकाः युवानः च उपस्थिताः आसन्।

Hindusthan Samachar / Divya Ranjan