लखनऊनगरम्, ०७ जूनमासः (हि.स.)। उत्तरप्रदेशस्य लक्षाधिकानां दिव्याङ्गजनानां जीवने दिव्याङ्ग-भरणपोषण-अनुदान-निवृत्तिवेतन-योजनया सकारात्मकाः परिवर्तनाः समागताः सन्ति। मुख्यमन्त्रिणः योगी-आदित्यनाथ-महोदयस्य मार्गदर्शने सञ्चाल्यमानया अस्याः योजनायाः माध्यमेन लाभार्थिभ्यः आर्थिक-सुरक्षा आत्मसम्मानेन सह जीवनयापनस्य अवसरश्च प्राप्तः अस्ति। लाभार्थिनः वदन्ति यत् समये निवृत्तिवेतनस्य प्राप्त्या औषध-क्रयणे, भोजन-व्यये तथा अन्येषां आवश्यक-व्ययानां पूरणे सहायता प्राप्यते। अनेकानां परिवाराणां कृते एषा योजना जीवननिर्वाहस्य प्रमुखाधारत्वेन जाता अस्ति। लाभार्थिनः मुख्यमन्त्रिणं योगी-आदित्यनाथ-महोदयं प्रशंसन्तः अवदन् यत् सर्वकारस्य एष: प्रयत्न: तेषां जीवनं सुकरं सुरक्षितं च करोति।

निवृत्तिवेतनेन गृहस्य आर्थिक-स्थितौ सुदृढता

बाराबङ्की-जनपदनिवासिनी आशा तथा तस्याः पतिः हरिलालः अवदताम् यत् निवृत्तिवेतनस्य प्राप्त्या तयोः गृहस्य आर्थिक-स्थितौ सुदृढता प्राप्ता। तौ मुख्यमन्त्रिणं योगी-आदित्यनाथ-महोदयं धन्यवादं प्रदाय अवदताम् यत् सर्वकारस्य अनेन साहाय्येन परिवाराय महत्सौविध्यं प्राप्तम्। हरिलालः अवदत् यत् तस्य भार्या आशा एकहस्तेन दिव्याङ्गा अस्ति, सः स्वयम् अपि श्वास-सम्बद्धया गम्भीर-व्याध्या पीडितः अस्ति। स्वास्थ्य-समस्याभिः कारणीभूताभिः सः नियमितरूपेण कार्यं कर्तुं न शक्नोति। एतादृशे सति दिव्याङ्ग-निवृत्तिवेतनं तस्य परिवारस्य जीवनरेखेव कार्यं करोति।

योगी-सर्वकारात् निवृत्तिवेतन-राशेः वर्धनस्य आग्रहः

हरिलालः अवदत् यत् समये निवृत्तिवेतनस्य प्राप्तानां औषधानां तथा अन्येषाम् आवश्यक-वस्तूनां व्ययः निर्वह्यते, येन आर्थिक-सहायतार्थं अन्यत्र भ्रमणस्य आवश्यकता न भवति। सः अवदत् यत् तस्य चतस्रः पुत्र्यः सन्ति तथा सीमितायां आये परिवारस्य भरणपोषणं महती समस्या अस्ति, किन्तु निवृत्तिवेतनस्य प्राप्त्या पर्याप्तं साहाय्यं प्राप्तम्।

दिव्याङ्गजनानां कृते उपयोगिनी सिद्धा योजना

तथैव लखनऊ-जनपदस्य गोसाईगञ्ज-निवासी पञ्चत्रिंशद्वर्षीयः कौशलः अपि गत-पञ्च-षट्-वर्षेभ्यः अस्याः योजनायाः लाभं प्राप्नोति। कौशलः अवदत् यत् योगी-सर्वकारस्य आगमनानन्तरम् एव तस्मै दिव्याङ्ग-निवृत्तिवेतनस्य लाभः प्राप्तः। तस्मै प्रतित्रिमासं त्रिसहस्र-रुप्यकाणां निवृत्तिवेतनं प्राप्यते, येन तस्य जीवनयापनं सुकरं भवति। कौशलः वाम-पादेन दिव्याङ्गः अस्ति। सः अवदत् यत् सर्वकारेण समये निवृत्तिवेतनस्य प्रदानेन तस्य आर्थिक-समस्याः बहुधा न्यूनीकृताः सन्ति। मुख्यमन्त्रिणः योगी-आदित्यनाथ-महोदयस्य प्रति कृतज्ञतां प्रकटयन् सः उक्तवान् यत् एषा योजना दिव्याङ्गजनानां कृते अत्यन्तम् उपयोगिनी सिद्धा भवति।

निवृत्तिवेतनेन महत्सौविध्यम् : लाभार्थी

लखनऊनगरनिवासी लाभार्थी रजनीशः अपि योजनायाः प्रशंसां कुर्वन् अवदत् यत् सः अनेकवर्षेभ्यः दिव्याङ्ग-निवृत्तिवेतनस्य लाभं प्राप्नोति। सः अवदत् यत् कृषिकार्येण स्वपरिवारस्य भरणपोषणं करोति, किन्तु सर्वकारतः प्राप्तं निवृत्तिवेतनं तस्य कृते महत्सौविध्यं सिद्धं भवति।

योगी-सर्वकारे लक्षाधिकेभ्यः दिव्याङ्गजनेभ्यः साहाय्यं प्राप्यते

प्रदेश-सर्वकारेण वर्षे २०२५-२६ अस्याः योजनायाः अन्तर्गतं द्वादशलक्षाधिकेभ्यः पात्र-दिव्याङ्गजनेभ्यः आर्थिक-साहाय्यं प्रदत्तम्। योजनानुसारं प्रत्येकं पात्र-लाभार्थिने प्रतिमासं सहस्रं रुप्यकाणि प्रत्यक्षतया तस्य धनागारे प्रेष्यन्ते। योगी-सर्वकारस्य अस्य प्रयत्नस्य फलस्वरूपं येषां दिव्याङ्गजनानाम् आजीविकायाः स्थायी साधनं नास्ति तथा ये स्वकीय-शारीरिक-स्थितेः कारणात् नियमित-कार्यं कर्तुम् असमर्थाः सन्ति, तेभ्यः महती सहायता प्राप्यते।

Hindusthan Samachar / Divya Ranjan