Enter your Email Address to subscribe to our newsletters
प्रदेशे प्रदत्तानां केंद्राय 21,342 कोटिरुप्यकेभ्यः अधिकस्य निवेशप्रस्तावः स्वीकृतः
लखनऊ, 07 जूनमासः (हि.स.)।
मुख्यमन्त्री योगी आदित्यनाथो वर्षपर्यन्तं २०३० उत्तरप्रदेशे द्विगीगावाटाधिकां अतिरिक्तदत्तांशकेन्द्रक्षमतां विकसितुं लक्ष्यं निर्धारितवान्। तेन उक्तं यत् दत्तांशः, कृत्रिमबुद्धिः तथा डिजिटलाधारसंरचना भविष्यस्य अर्थव्यवस्थायाः प्रमुखाधाराः सन्ति। अतः उत्तरप्रदेशस्य अस्मिन् क्षेत्रे अग्रणीभूमिकां निर्वोढुं अधुनैव दृढतया सज्जता कर्तव्या।
रविवासरे उत्तरप्रदेशदत्तांशकेन्द्रनीतेः २०२१ समीक्षाकाले मुख्यमन्त्री अधिकारिणः निवेशकानाम् अपेक्षानुरूपां अधिकाकर्षकां, व्यावहारिकां तथा समयानुकूलां नूतननीतिं निर्मातुं निर्देशितवान्। तेन उक्तं यत् प्रस्तावितनीत्यां कृत्रिमबुद्ध्याधारितदत्तांशकेन्द्राणि, ऊर्जादक्षाणि पर्यावरणानुकूलानि हरितदत्तांशकेन्द्राणि, विश्वस्तरीयडिजिटलाधारसंरचना, त्वरितानुमोदनव्यवस्था, अविच्छिन्नविद्युत्पूर्तिः तथा उत्तमसम्पर्कव्यवस्था इत्यादयः विषयाः प्राधान्येन समावेश्यन्ताम्, येन उत्तरप्रदेशः देशे दत्तांशकेन्द्रनिवेशस्य अत्यन्तप्रियकेन्द्रं भवेत्।
प्रधानसचिवः सूचना प्रौद्योगिकी तथा इलेक्ट्रॉनिक्स विभागस्य मुख्यमन्त्रिणम् अवगतवान् यत् वर्षपर्यन्तं २०२६ देशस्य समग्रदत्तांशकेन्द्रक्षमतायां उत्तरप्रदेशस्य भागः प्रायः अष्टप्रतिशततः नवप्रतिशतपर्यन्तं भविष्यति इति अनुमानम् अस्ति। तेन उक्तं यत् दत्तांशकेन्द्रनीतेः २०२१ अन्तर्गतं नवशतमेगावाटक्षमताविकासस्य तथा त्रिंशत्सहस्रकोटिरूप्यकाणां निवेशाकर्षणस्य लक्ष्यं निर्धारितम् आसीत्। अस्य तुलनायाम् अद्यावधि एकविंशतिसहस्रत्रिशतद्विचत्वारिंशत्कोटिनवत्यधिकदशलक्षरूप्यकाणां निवेशप्रस्तावाः स्वीकृताः सन्ति तथा निवेशकेभ्यः आश्वासनपत्राणि अपि प्रदत्तानि सन्ति। सम्प्रति प्रदेशे षट् दत्तांशकेन्द्रोद्यानानि तथा द्वे दत्तांशकेन्द्रैककौ सञ्चालितौ स्तः, यदा च षट्चत्वारिंशदधिकषट्शतमेगावाटप्रतिबद्धक्षमतायाः कार्यं प्रगतौ वर्तते।
नूतनदत्तांशकेन्द्रनीतेः विविधप्रावधानानां विषये चर्चां कुर्वन् मुख्यमन्त्री उक्तवान् यत् भूमिः, पूंजी तथा ऋणसम्बद्धानुदानैः सह मुद्राशुल्के, विद्युत्शुल्के तथा प्रसारणशुल्के वहनशुल्के च प्रदीयमानाः रियायतयः अधिकप्रभावशालिन्यः क्रियन्ताम्। तेन कृत्रिमबुद्ध्याधारितायाः उच्चक्षमतायुक्तायाः संगणनाधारसंरचनायाः प्रोत्साहनार्थं विशेषप्रोत्साहनव्यवस्थां विकसितुं निर्देशाः अपि दत्ताः। मुख्यमन्त्री उक्तवान् यत् निर्धारितमानकानाम् अनुरूपं उन्नताः कृत्रिमबुद्धिसंगणनसंसाधनाः स्थापयन्ति ये दत्तांशकेन्द्रोद्यानाः, तेभ्यः अतिरिक्तसुविधाः प्रदेयाः, येन प्रदेशे कृत्रिमबुद्ध्याधारितडिजिटलाधारसंरचनाविकासः सुदृढः भविष्यति।
उपवेशने सम्भाव्यनिवेशप्रस्तावानाम् अपि समीक्षा कृता। अधिकारिभिः उक्तं यत् विविधैः राष्ट्रियैः अन्तरराष्ट्रीयैश्च निवेशकैः प्रदेशे समग्रतया पञ्चसहस्रचतुर्शतदशमेगावाटक्षमतायुक्तदत्तांशकेन्द्रविकासे रुचिः प्रदर्शिता अस्ति। एतासु परियोजनासु प्रायः चत्वारिलक्षनवतिसहस्रकोटिरूप्यकाणां सम्भाव्यनिवेशस्य अनुमानम् अस्ति। प्रस्तावितनिवेशेषु ए एम ग्रीन, ट्राइफैक्टा कॉनेक्स, एस्सार, ग्रू एनर्जी, गोल्डन स्टेट कैपिटल, मैपलेट्री, सीटीआरएल एस, एनएक्स्ट्रा इत्यादीनां प्रमुखनिवेशकानां परियोजनाः समाविष्टाः सन्ति। एतासां कृते नोएडा, यमुनाद्रुतमार्गक्षेत्रम्, लखनऊ, वाराणसी, प्रयागराज, मेरठ तथा सीतापुरसहितेषु प्रदेशस्य विविधक्षेत्रेषु सम्भावनाः विकसिताः क्रियमाणाः सन्ति।
Hindusthan Samachar / Dheeraj Maithani