Enter your Email Address to subscribe to our newsletters
-3 जुलाईतो यारोस्लावलः, रूसदेशे शुभारप्स्यते फिल्म फेस्टिवलमहोत्सवः
रोहतकम् , 07 जूनमासः (हि.स.)।
दादा लख्मी चन्द स्टेट यूनिवर्सिटी ऑफ परफॉर्मिङ्ग एण्ड विजुअल आर्ट्स इत्यनेन निर्मिता लघुचलच्चित्रकथा ‘जोगई परिवार’ रूसदेशे आयोज्यमाने एकविंशतितमे विदइन द फैमली इण्टरनेशनल फिल्म फेस्टिवल ऑफ फैमली एण्ड चिल्ड्रन फिल्म २०२६ इति चलचित्रमहोत्सवे प्रदर्शनार्थं चयनिता अस्ति। अयं चलचित्रमहोत्सवः ३ जुलायदिनात् रूसदेशस्य यारोस्लावल नगरे प्रारभ्यते, यत्र विश्वस्य विविधभागेभ्यः चयनितानां चलचित्राणां निर्णायकमण्डलस्य चलचित्रकला प्रेमिणां च समक्षे प्रदर्शनं भविष्यति।
पञ्जीयकः डा गुञ्जन मलिक मनोचा अवदत् यत् सुपवा संस्थया निर्मिता ‘जोगई परिवार’ इति चलचित्रकथा अत्र अध्ययनरतैः चलचित्र तथा दूरदर्शनसंकायस्य छात्रैः सज्जीकृता अस्ति। अस्य निर्देशनं २०२३ वर्षस्य वर्गस्य निर्देशनविषयस्य छात्रेण अर्पित आनन्द सिंह इत्यनेन कृतम्। अर्पित आनन्द सिंह मूलतः गगहा क्षेत्रस्य गोरखपुरनगरस्य निवासी अस्ति तथा सुपवा संस्थायां चलचित्रनिर्देशनस्य अध्ययनं करोति।
‘जोगई परिवार’ इत्यस्य चयनं लघुचलच्चित्रवर्गे अभवत्। अस्य चलचित्रस्य कलाकाराः अपि सुपवा संस्थायाः छात्राः एव सन्ति, यथा जितेन्द्र, शिवम्, मिताली, अरुण तथा मनखुश। मार्गदर्शिका दीप्ति खुराना अस्ति, यदा सहनिर्देशकः रजत सोंगरा अस्ति। सहायकनिर्देशकाः केशव बियानी, गौरव बुधवार, कृषाङ्ग सैनी तथा सान्या अपि सुपवा संस्थायाः चलचित्र तथा दूरदर्शनसंकायस्य छात्राः सन्ति। तेन उक्तं यत् छायाग्राहकः अजय नेहरा, सम्पादकः गौरव बुधवार, स्थानध्वन्यभिलेखकः गौरव गौतमः च सन्ति। अपरञ्च ध्वनिरचनां अंशुल रोहिल्ला कृतवान्, कलानिर्देशिका शीतल कुमारी तथा सज्जाविन्यासकर्ता रमाकान्त महाजन आस्ताम्। निर्माणप्रमुखः सुरेन्द्र सावित्री सरकारः, रूपसज्जां नेहा तथा वेशभूषां प्रीति शर्मा अकुरुताम्।
डीएलसी सुपवा संस्थायाः कुलगुरुः डा अमित आर्यः अवदत् यत् रूसदेशस्य यारोस्लावल नगरे आयोज्यमानः अयं चलचित्रमहोत्सवः पारिवारिकबालचलच्चित्राणां क्षेत्रे विश्वस्य बृहत्तमः महोत्सवः अस्ति। एतादृशे अन्ताराष्ट्रियचलच्चित्रमहोत्सवे सुपवा संस्थायाः तथा अत्रत्यछात्राणां लघुचलच्चित्रस्य चयनं सर्वेषां कृते गौरवस्य विषयः अस्ति। तेन उक्तं यत् ‘जोगई परिवार’ इति लघुचलच्चित्रकथा समाजस्य परिवारस्य च यथार्थतां सरलरूपेण प्रदर्शयति। चलचित्रस्य कलाकारैः तथा अन्यैः समस्तैः कार्यदलसदस्यैः अस्य कृते कठिनपरिश्रमः कृतः। केचन छात्रकलाकाराः स्वपात्रेषु सम्यक् अवतरणार्थं अतीव अल्पकाले भोजपुरीभाषाम् अपि अधीतवन्तः।
रूसदेशस्य यारोस्लावल नगरे अन्ताराष्ट्रियचलच्चित्रमहोत्सवः ५ जुलायदिनात् ७ जुलायदिनपर्यन्तं प्रवर्तिष्यते। आशा अस्ति यत् एषा लघुचलच्चित्रकथा निर्णायकमण्डलस्य ध्यानम् आकर्ष्य पुरस्कारम् अपि प्राप्स्यति।
--------------
Hindusthan Samachar / Dheeraj Maithani