Enter your Email Address to subscribe to our newsletters
पटना, 08 जूनमासः (हि.स.)।राज्यसर्वकारेण सोमवासरे आकस्मिकतया मन्त्रिपरिषदः उपवेशनसभा आहूता अस्ति, या सामान्यतया प्रतिवासरं बुधवासरे भवति। मुख्यमन्त्रिणः सम्राट चौधरिणः अध्यक्षतायां एषा महत्त्वपूर्णा उपवेशनसभा अद्य सायंकाले पञ्चवादने मुख्यसचिवालयस्थिते मन्त्रिमण्डलकक्षे आयोजिता भविष्यति।
सर्वकारस्य आधिकारिकस्रोतसः प्राप्तसूचनानुसारं उपवेशनसभायां केचन प्रस्तावाः सर्वकारस्य समीपे लम्बिताः सन्ति, येषां विषये शीघ्रं निर्णयग्रहणम् आवश्यकम् अस्ति। अस्यैव कारणाय निर्धारितसमयात् पूर्वं मन्त्रिमण्डलोपवेशनसभा आयोजिता अस्ति।
राजनीतिविश्लेषकेन अरुण पाण्डेय महोदयेण उक्तं यत् सर्वकारः आगामियोजनानां विकासपरियोजनानां च गतिवर्धनाय अनेकान् महत्त्वपूर्णान् निर्णयान् स्वीकर्तुं शक्नोति। सहैव विभिन्नविभागसम्बद्धानां वित्तीयप्रशासनिकप्रस्तावानामपि अनुमोदनस्य सम्भावना वर्तते।
यद्यपि सर्वकारपक्षतः उपवेशनसभायाः कार्यसूच्याः आधिकारिकप्रकाशनं न कृतम्, तथापि आकस्मिकतया आहूता एषा उपवेशनसभा अतीव महत्त्वपूर्णा मन्यते। अधुना द्रष्टुं रोचकम् भविष्यति यत् मुख्यमन्त्रिणः सम्राट चौधरी महोदयस्य अध्यक्षतायां सम्पन्नायाः अस्याः उपवेशनसभायाः माध्यमेन राज्याय के के नूतनाः निर्णयाः योजनाश्च प्राप्स्यन्ते।
पूर्वोपवेशनसभायां त्रयोदश कार्यसूचिविषयेषु अनुमोदनं प्रदत्तम्
सम्राट मन्त्रिमण्डलस्य पूर्वोपवेशनसभापि अतीव महत्त्वपूर्णा आसीत्। तस्याम् उपवेशनसभायां समग्रतया त्रयोदश कार्यसूचिविषयाः अनुमोदिताः आसन्। सर्वकारेण विद्युत्सेवोपभोक्तृणां शिकायतानां शीघ्रसमाधानाय अनेकाः महत्त्वपूर्णाः निर्णयाः स्वीकृताः आसन्। एतेषां निर्णयानां उद्देश्यं विद्युत्सेवाः अधिकपारदर्शिन्यः उत्तरदायिन्यश्च कर्तुम् आसीत्, यथा उपभोक्तृभ्यः समये एव राहतिः प्रदातुं शक्येत।
एतदतिरिक्तं मुख्यमन्त्री चिकित्सासहायताकोषसम्बद्धेषु नियमेष्वपि महत्त्वपूर्णः परिवर्तनः कृतः आसीत्। सर्वकारेण आर्थिकदृष्ट्या दुर्बलेभ्यः आवश्यकतायुक्तेभ्यः रोगिभ्यः रक्षणं प्रदातुं सहायताकोषस्य पात्रताशर्तासु संशोधनं कृतम् आसीत्।
पूर्वमन्त्रिमण्डलोपवेशनसभायां मुख्यमन्त्री चिकित्सासहायताकोषस्य लाभप्राप्त्यर्थं निर्धारिता वार्षिकायसीमा वर्धयित्वा चत्वारि लक्षरूप्यकाणि कृता आसीत्। अस्मात् पूर्वं अस्याः योजनायाः लाभप्राप्त्यर्थं परिवारस्य अधिकतमा वार्षिकाया द्विलक्षपञ्चाशत्सहस्ररूप्यकाणि निर्धारिता आसन्।
---------------
Hindusthan Samachar / Dheeraj Maithani