Enter your Email Address to subscribe to our newsletters
नारायणपुरम्, 08 जूनमासः (हि.स.)।प्रधानमन्त्रिणः नरेन्द्रमोदिनः नेतृत्वे सेवा सुशासन विकास विश्वास जनकल्याणञ्च इत्येषां द्वादशवर्षीयसफलतापूर्तेः उपलक्ष्ये सञ्चाल्यमानस्य विशेषजनसम्पर्काभियानस्य अन्तर्गतं प्रदेशस्य वनमन्त्री केदारकश्यपः अद्य सोमवासरे नारायणपुरम् आगत्य पद्मश्रीसम्मानेन अलंकृतं विख्यातं वैद्यराजं हेमचन्दमांझिं तथा क्षेत्रस्य वरिष्ठसाहित्यकारं शिवकुमारपाण्डेयं च सौजन्यभेटिकया सम्मानितवान्।
अस्मिन् अवसरे मन्त्री केदारकश्यपः उभाभ्यां प्रबुद्धनागरिकाभ्यां शालं श्रीफलं च समर्प्य सम्मानं कृतवान् तथा समाजस्य संस्कृतेः साहित्यस्य पारम्परिकज्ञानस्य च संरक्षणे तयोः योगदानस्य प्रशंसाम् अकरोत्।
वनमन्त्री केदारकश्यपः अवदत् यत् प्रधानमन्त्रिणः नरेन्द्रमोदिनः नेतृत्वे गतद्वादशवर्षेषु राष्ट्रे विकासस्य सुशासनस्य जनकल्याणस्य च क्षेत्रेषु ऐतिहासिकाः उपलब्धयः प्राप्ताः। केन्द्रसर्वकारस्य योजनानां लाभः समाजस्य अन्तिमव्यक्तिपर्यन्तं प्राप्तः अस्ति तथा च राष्ट्रम् आत्मनिर्भरतायाः समावेशिविकासस्य च दिशि तीव्रगत्या अग्रे गच्छति।
तेन उक्तं यत् समाजस्य प्रेरणास्रोतभूतानां व्यक्तित्वानां सम्मानः अस्माकं संस्कृतेः परम्परायाः च अविभाज्यः भागः अस्ति तथा च तेषाम् अनुभवानां मार्गदर्शनस्य च माध्यमेन नूतना संततिः प्रेरणां प्राप्नोति।
अस्मिन् काले छत्तीसगढराज्यलघुवनोपजसहकारीसङ्घमर्यादितस्य अध्यक्षः रूपसायसलामः, जगदलपुरजिलासहकारीवित्तकोषस्य उपाध्यक्षः श्रीनिवासमिश्रः तथा नारायणपुरजिलापञ्चायतस्य अध्यक्षः नारायणमरकामः इत्यादयः अन्ये जनप्रतिनिधयः अपि उपस्थिताः आसन्।
---------------
Hindusthan Samachar / Dheeraj Maithani