देवरिया, 08 जूनमासः (हि.स.)।

उत्तरप्रदेशस्य देवरिया जनपदे बैतालपुरबाजारः सोमवासरे राजनैतिकसामाजिकचर्चायाः केन्द्रं जातम्। अत्र आयोजिते जनसंवादकार्यक्रमे देवरिया सदरविधानसभाक्षेत्रस्य विधायकः शलभ मणि त्रिपाठी सामान्यजनैः, वणिज्भिः तथा भारतीयजनतापक्षस्य कार्यकर्तृभिः सह उपविश्य क्षेत्रस्य समस्याः विकासकार्याणि च विषये चर्चाम्अकरोत्। कार्यक्रमस्य वातावरणं पूर्णतया संवादात्मकम् आसीत्।

विधायकः डॉ शलभ मणिरवदत् यत् ग्रामेषु, कस्बेषु, नगरेषु च मूलभूतसुविधानां सुदृढीकरणं शासनस्य प्राथमिकता अस्ति। तेन उक्तं यत् मार्गनिर्माणे, विद्युत्सेवायाम्, पेयजलव्यवस्थायाम् तथा स्वास्थ्यसेवाक्षेत्रे निरन्तरं कार्यं प्रचलति, आगामिकाले च बैतालपुरक्षेत्रमपि अनेकाभिः नवीनाभिः परियोजनाभिः लाभान्वितं भविष्यति।

जनसंवादस्य समये स्थानीयनागरिकैः जलनिर्गमनव्यवस्था, जीर्णमार्गाः तथा विद्युत्पूर्तिसम्बद्धाः समस्याः प्रमुखतया प्रस्तुताः। विधायकः सम्बद्धविभागेभ्यः आवश्यकनिर्देशप्रदानस्य विषये उक्त्वा तासां समस्याणां शीघ्रसमाधानस्य आश्वासनं दत्तवान्। तेन उक्तं यत् जनप्रतिनिधीनां जनानां च मध्ये प्रत्यक्षसंवादः विकासस्य गतिं तीव्रां करोति।

युवभिः रोजगारशिक्षासम्बद्धविषयेषु स्वचिन्ता प्रकटिता। अस्मिन् विषये विधायकः अवदत् यत् प्रदेशे कौशलविकासे जीविकासृजने च विशेषध्यानं प्रदीयते। तेन युवभ्यः शासकीययोजनानां लाभं स्वीकर्तुं स्वजीविकायाः दिशि अग्रे गन्तुं च आह्वानं कृतम्।

कार्यक्रमे बहुसंख्यया स्थानीयजनानां सहभागिता दृष्टा। उपस्थितजनैः क्षेत्रस्य विकासविषये स्वपरामर्शाः अपि प्रस्तुताः। विधायकः अवदत् यत् जनानाम् अपेक्षानुरूपाणि विकासकार्याणि सम्पादयितुं तस्य प्राथमिकता अस्ति तथा च क्षेत्रस्य प्रत्येकसमस्यायाः समाधानार्थं सः निरन्तरं प्रयत्नशीलः अस्ति।

Hindusthan Samachar / Dheeraj Maithani