रायपुरम्, 08 जूनमासः (हि.स.)।

वित्तमन्त्री ओपी चौधरी अवदत् यत् प्रसिद्धबॉलीवुडचलच्चित्रस्य ‘भारतभाग्यविधाता’ इत्यस्य रायपुरनगरे प्रथमवारम् आयोजितं पूर्वप्रदर्शनम् छत्तीसगढराज्यस्य कृते गौरवस्य विषयः अस्ति। तेन अस्य चलच्चित्रस्य निर्देशकाय तथा छत्तीसगढनिवासिने मनोज तपडियाय एतस्याः उपलब्धेः कृते हार्दिकाः शुभकामनाः प्रदत्ताः।

मन्त्री चौधरी अवदत् यत् एतत् चलच्चित्रं केवलं मनोरञ्जनस्य माध्यमं नास्ति, अपितु छत्तीसगढस्य प्रतिभायाः, सृजनशीलतायाः तथा चलचित्रजगति वर्धमानायाः परिचितेः अपि प्रतीकम् अस्ति। राज्यस्य कलाकाराणां तथा चलचित्रनिर्मातृणाम् उपलब्धयः सम्पूर्णं प्रदेशं गौरवान्वितं कुर्वन्ति। तेन विश्वासः व्यक्तीकृतः यत् ‘भारतभाग्यविधाता’ दर्शकाणां मध्ये स्वविशिष्टां परिचितिं स्थापयिष्यति तथा मनोज तपडियस्य अयं प्रयत्नः छत्तीसगढस्य युवभ्यः अपि महान् स्वप्नानि द्रष्टुं तानि च साकारयितुं प्रेरणां दास्यति।

वित्तमन्त्री ओपी चौधरी अवदत् यत् एषः छत्तीसगढस्य कृते गौरवस्य क्षणः अस्ति यत् राज्यस्य प्रतिभाः राष्ट्रियस्तरे स्वीयां परिचितिं निर्माय प्रदेशस्य नाम प्रकाशयन्ति तथा यशः वर्धयन्ति।

Hindusthan Samachar / Dheeraj Maithani